Photos: તાજમહેલ જોઈને બોલ્યા ડોનાલ્ડ ટ્રમ્પ `Thank you India`
ડોનાલ્ડ ટ્રમ્પે પોતાની તાજમહેલ યાત્રા દરમિયાન અહીં ડાયના બેંચની પાસે ખાસ તસવીર ખેંચાવી. આ દરમિયાન તેમની પત્ની પણ સાથે હાજર રહી હતી.
40 મિનિટથી વધુ સમય ટ્રમ્પે તાજમહેલનું ભ્રમણ કર્યું હતું. તેમણે મુગલ ગાર્ડનનું પણ નજીકથી નિરીક્ષણ કર્યું હતું. આ સાથે તેમની પુત્રી ઇવાન્કાએ પણ અહીં ફોટા પડાવ્યા હતા.
રાષ્ટ્રપતિ ટ્રમ્પ પોતાની પત્ની અને અમેરિકાની પ્રથમ મહિલા મેલાનિયા ટ્રમ્પની સાથે તાજમહેલનું ભ્રમણ કરવા પહોંચ્યા હતા.
તાજમહેલના રોયલ ગેટથી પ્રવેશ બાદ ટ્રમ્પે અહીં વિઝિટર બુકમાં ભારતના લોકો માટે ખાસ સંદેશ લખ્યો હતો.
તાજમહેલની વિઝિટર બુકમાં ડોનાલ્ડ ટ્રમ્પે પોતાના હાથે લખ્યું- તાજમહેલ અમને પ્રેરણા આપે છે. આ ભારતની સંસ્કૃતિની વિભિન્નતા અને સંપન્નતાનો શાનદાર વારસો છે. થેંક યૂ ઈન્ડિયા.
ડોનાલ્ડ ટ્રમ્પની પુત્રી ઇવાન્કા અને તેમના પતિ જેરેડ કુશનરે પણ તાજમહેલની મુલાકાત લીધી હતી.
તાજમહેલની મુલાકાત લેનાર ડોનાલ્ડ ટ્રમ્પ અમેરિકાના ત્રીજા રાષ્ટ્રપતિ છે. તેમની પહેલા અમેરિકન રાષ્ટ્રપતિ બિલ ક્લિન્ટન પણ તાજમહેલ જોઈ ચુક્યા છે.