ડ્રેગન ફ્રુટની ખેતી કરી શ્રીકાંતભાઈ કરોડો કમાયા, આખા દેશમાં કરે છે વેપાર

જે ખેતરનો નજારો જોઈ રહ્યા છો તે છે બાયડના ખેડૂત શ્રીકાંતભાઈનું ખેતર છે. શ્રીકાંતભાઈએ ખેતીમાં નવું સાહસ કરી ડ્રેગન ફ્રુટનું વાવેતર કર્યું અને પરિણામે તે ત્રણ વર્ષમાં દોઢ કરોડ રુપિયાથી વધારે કમાણી કરી ચુક્યા છે. આ ખેડૂતે ટેક્નોલોજીનો ઉપયોગ કરી ડ્રેગન ફ્રુટનું ઓનલાઈન વેચાણ પણ કરી રહ્યા છે. આ સાહસથી માત્ર શ્રીકાંતભાઈ સમૃદ્ધ થયા નથી, પણ 25થી વધુ શ્રમિકોને પણ રોજગારી આપી છે. 

ડ્રેગન ફ્રુટની ખેતી કરવાથી બીજા મજુરોને પણ રોજગારી મળતી હોય છે, 25 થી 30 મજુરોને રોજગારી આપી રહ્યા છે.

આ પ્રગતિશીલ ખેડુત ડ્રેગનફ્રુટની ખેતી પણ કરી અને નર્સરી પણ વિકસાવી. હાલ તેમની નર્સરીના રોપા મહારાષ્ટ્ર, પશ્ચિમ બંગાળ, ઉત્તરપ્રદેશ, રાજસ્થાન અને કશ્મીર જેવા રાજ્યોમાં વેચાય છે. આમ સ્થાનિક સ્તરનો ખેતપ્રયોગનું બજાર રાષ્ટ્રીય છે. 

શ્રીકાંતભાઈ કહે છે કે, ડ્રેગન ફ્રુટની કમલો તૈયાર કરી પુરા ભારતમાં અમે સપ્લાય કરીએ છીએ. અમે દરેક પ્રકારના ડ્રેગન ફ્રુટના પ્લાંટ સપ્લાય કરીએ છીએ. યોજના હેઠળ અમને 6.5 લાખ રુપિયાની સબસીડી પણ મળી છે.   

ગુજરાતમાં શ્રીકાંતભાઈ જેવા અનેક ખેડૂતો ખેતીમાં નવા પ્રયોગો કરી અન્ય ખેડુતોને પ્રેરણા પુરી પાડી રહ્યા છે અને ગુજરાતની કૃષિચિત્ર બદલી રહ્યા છે.