એકાએક મિની કાશ્મીર બની ગયુ ગુજરાતનું આ સ્થળ, જોવા ઉમટી પડ્યા લોકો

અરવલ્લીના ભિલોડાના સુનસર ગામે ભારે વરસાદ બાદ કુદરતી ધોધ એક્ટિવ થઈ ગયો છે. ધરતી માતાના મંદિર પાસે ડુંગર પરથી પડતો આ ધોધ હાલ અદભૂત માહોલ સર્જી રહ્યો છે. દર ચોમાસે આલું આહલાદક નયનરમ્ય દ્રશ્ય સર્જાય છે. જેને નિહાળવા માટે દૂર દૂરથી સહેલાણીઓ ઉમટી પડે છે. ભિલોડાથી 10 કિલોમીટર દૂર સુનસર ગામમાં હાલ મિની કાશ્મીર જેવો માહોલ જોવા મળી રહ્યો છે.

તો બીજી તરફ, અરવલ્લીની માઝુમ નદી પણ ભારે વરસાદ બાદ ઉભરાઈ છે. મેઘરજના રેલ્લાવાળા પાસે માઝુમ નદી બે કાંઠે વહેતી થઈ છે. ઝેરીયાવાડા, મહુડી પાસેના વિસ્તારમાં નદીનુ વહેણ વધ્યુ છે. મેશ્વો બાદ માઝુમ અને વાત્રક ડેમમાં પણ પાણીની નવી આવક થઈ છે.