બગોદરા હાઈવે ફરી રક્તરંજિત થયો : ખાનગી બસ અને ટ્રકની ટક્કરમાં 25 ઘાયલ, 2 ના મોત

પ્રાપ્ત માહિતી અનુસાર, વહેલી સવારે ધુમ્મસભર્યા વાતાવરણમાં બગોદરા મીઠાપુર નજીક ગમખ્વાર અકસ્માત સર્જાયો હતો. આ અકસ્માતમાં 2 લોકોના મોત થયા છે. તો 25 લોકો ઘાયલ થયા છે. જનશાળી પાસે ખાનગી બસ-ટ્રક વચ્ચે સર્જાયો અકસ્માત સર્જાયો હતો.  

તમામ ઈજાગ્રસ્તોને બગોદરા CHC સેન્ટરમાં સારવાર માટે લઇ જવામાં આવ્યા છે. વહેલી સવારે આ ઘટના બની હતી. ઈમરજન્સની કોલ મળતા જ 108 એમ્બ્યુલન્સ દર્દીઓની સારવાર માટે કામે લાગી હતી.  

જોકે, આ અકસ્માત કેવી રીતે થયો તેનુ કારણ હજી સામે આવ્યું નથી. પરંતુ અકસ્માતને પગલે પોલીસ દોડતી થઈ હતી. ઘટનાસ્થળ પર પહોંચેલી પોલીસ હાલ અકસ્માતની માહિતી મેળવી રહી છે.