સાઉથની ભયંકર ડરામણી ફિલ્મ...રાત છોડો દિવસે પણ જોતા ડરશો, કાળજું કઠણ હોય તો જ જોવાની હિંમત કરજો
દક્ષિણ ભારતીય ફિલ્મોમાં તો એવી અનેક શાનદાર હોરર ફિલ્મો બનેલી છે પરંતુ જો સૌથી ડરામણી ફિલ્મની વાત કરીએ તો આ યાદીમાં એક ફિલ્મનું નામ સૌથી ઉપર આવી શકે જે ગત વર્ષે રિલીઝ થઈ હતી. આ ફિલ્મે બોક્સ ઓફિસ પર શાનદાર કમાણી પણ કરી હતી. જો તમે ખરેખર ડરામણી ફિલ્મો જોવાના શોખીન હોવ તો આ ફિલ્મ વિશે વિચારવું જોઈએ. આ ફિલ્મ જોયા બાદ તમે રાતે તો છોડો દિવસે પણ પણ એકલા હશો તો ડરશો.
આ ફિલ્મ ગત વર્ષે 2023માં થિયેટરમાં રિલીઝ થઈ હતી. ફિલ્મને દર્શકોનો ખુબ પ્રેમ મળ્યો. ફિલ્મની કહાનીથી લઈને સ્ટાર કાસ્ટ બધુ એકદમ શાનદાર હતું. અમે તેલુગુ હોરર ફિલ્મ વિરુપાક્ષ વિશે વાત કરીએ છીએ. કાર્તિક દાંડુના ડાયરેક્શનમાં બનેલી આ ફિલ્મમાં સાઈ ધર્મ તેજ, સંયુક્તા મેનન જેવા કલાકારો જોવા મળ્યા. જેમણે પોતાના દમદાર અભિનયથી દર્શકોના મન જીતી લીધા. આ સાથે જ ફિલ્મની કહાનીએ દર્શકોના મનમાં ડર પેદા કરી નાખ્યો. ફિલ્મમાં એટલા તે ડરામણા સીન છે જેને જોયા બાદ તમારા રૂવાડાં ઊભા થઈ જાય.
આ ફિલ્મની કહાની એક ગામમાં થઈ રહેલા અજીબોગરીબ મોતની આસપાસ ઘૂમી રહી છે. ગામના લોકો આ ઘટનાઓની પાછળ છૂપાયેલા માણસને શોધવાની કોશિશ કરે છે. સૂર્યા (સાઈ ધર્મ તેજ) માતા સાથે આ ગામમાં આવે છે. જ્યાં તેને સરપંચની દીકરી નંદીની (સંયુક્તા મેનન) જોડે પ્રેમ થઈ જાય છે. પરંતુ કહાનીમાં જોરદાર વળાંક ત્યારે આવે છે જ્યારે સૂર્યાને ખબર પડે છે કે આ મોત પાછળ એક અદ્રશ્ય પડછાયો છે જે ગામના ઈતિહાસ સાથે જોડાયેલો છે. સૂર્યા આ રહસ્યને ઉકેલવા માટે અને ગામને આ ખતરનાક પડછાયાથી બચાવવા માટે જવાબદારી ઉઠાવે છે.
આ ફિલ્મમાં એટલા તે ખૌફનાક અને ડરામણા દ્રશ્યો જોવા મળે છે કે વાત ન પૂછો. જો તમને હોરર કન્ટેન્ટથી બીક લાગતી હોય તો દૂર રહેજો. ફિલ્મમાં સાઈ ધર્મ તેજ અને સંયુક્તા મેનન ઉપરાંત સુનીલ, રાજીવ કનાકાલા અને બ્રહ્માજી જેવા દમદાર કલાકારો છે. વિકિપીડિયા મુજબ આ ફિલ્મ 40 કરોડના બજેટમાં બની છે પરંતુ બોક્સ ઓફિસ પર 103 કરોડની કમાણી કરી હતી અને હાલ ઓટીટી ઉપર પણ ધૂમ મચાવી રહી છે.
તેલુગુ ભાષામાં બનેલી આ હોરર ફિલ્મ વિરુપાક્ષને દર્શકોએ એટલી પસંદ કરી કે તેનો અંદાજો તમને IMDb રેટિંગ પરથી આવશે. અહીં આ ફિલ્મને 10માંથી 7.2નું રેટિંગ મળેલું છે. ફિલ્મ તમને ઓટીટી પ્લેટફોર્મ નેટફ્લિક્સ પર જોવા મળી જશે. આ ફિલ્મ તમને હિન્દી ભાષામાં ડબ પણ જોવા મળશે.