નુસરતની આંખોમાં જોવા મળ્યો યુદ્ધનો ખૌફ, ફેન્સને પસંદ નહી આવે અભિનેત્રીની આ તસવીરો

બોલિવૂડની જાણીતી અભિનેત્રી નુસરત ભરૂચાની હેરાન કરતી તસવીરો સામે આવી છે. તેનું કારણ ઈઝરાયેલમાં ફાટી નીકળેલ યુદ્ધ છે. જોકે નુસરત યુદ્ધગ્રસ્ત ઇઝરાયલમાં હતી અને હવે તે ભારત પરત ફરી છે.

જ્યારે અભિનેત્રી ઈઝરાયેલથી ભારત પરત આવી ત્યારે તેના ચહેરા પર ખુશી છવાઈ ગઈ હતી. મુંબઈ એરપોર્ટ પર જોવા મળતા જ તે મીડિયાકર્મીઓથી ઘેરાઈ ગઈ હતી.

આ દરમિયાન તે ખૂબ જ અસ્વસ્થતા અનુભવી રહી હતી. નુસરતનો વીડિયો સોશિયલ મીડિયા પર ઝડપથી વાયરલ થઈ રહ્યો છે. આમાં તે ભાવુક દેખાતી હતી.

ઈઝરાયેલ અને પેલેસ્ટાઈન વચ્ચે બગડતી પરિસ્થિતિને કારણે નુસરત ઈઝરાયલમાં અટવાઈ ગઈ હતી. ત્યારબાદ તે એમ્બેસીની મદદથી સુરક્ષિત રીતે ભારત પરત ફરી છે.

આ વાયરલ વીડિયોમાં નુસરત ભરૂચાએ લાઈટ પર્પલ કલરનો ટોપ અને પાયજામા પહેર્યો છે. આ વીડિયોમાં અભિનેત્રી ખૂબ જ પરેશાન દેખાઈ રહી છે.

તસવીરોમાં તેના ચહેરા પરનો તણાવ સ્પષ્ટ દેખાય છે. અભિનેત્રીનો થાક તેની આંખો જોઈને સ્પષ્ટપણે જાણી શકાય છે.

તમને જણાવી દઈએ કે ઈઝરાયેલમાં પવિત્ર યહૂદી તહેવારના દિવસે 7 ઓક્ટોબર શનિવારના રોજ એક આતંકી સંગઠને અચાનક હુમલો કર્યો હતો. બંને તરફથી હુમલા ચાલુ છે.

હજારો લોકો ઘાયલ થયા છે. જવાબી હુમલામાં ઈઝરાયેલે હમાસના ઘણા આતંકવાદીઓને ઠાર માર્યા હતા. હમાસના આતંકવાદીઓએ ઈઝરાયલીઓને પણ બંધક બનાવી લીધા છે.

ઇઝરાયલની ઘણી મીડિયા સંસ્થાઓએ અહેવાલ આપ્યો છે કે હમાસના હુમલાને કારણે ઇઝરાયેલમાં મૃત્યુઆંક 600 સુધી પહોંચી ગયો છે. તો બીજી તરફ પેલેસ્ટિનિયન અધિકારીઓએ કહ્યું છે કે ગાઝામાં લડવૈયાઓ સહિત 300 થી વધુ લોકો માર્યા ગયા છે.