મહિલાઓ અને દિકરીઓ માટે LIC નો ખાસ પ્લાન, મેચ્યોરિટી પર મળશે તગડા રૂપિયા

આ યોજનાનું નામ LIC આધાર શિલા સ્કીમ (LIC Aadhaar Shila Plan) છે. આ પ્લાનમાં તમને લાંબા ગાળામાં મોટા લાભો મળે છે.

LIC આધાર શિલા યોજના નોન-લિંક્ડ, વ્યક્તિગત જીવન વીમા યોજના છે. આ યોજના ખાસ મહિલાઓ માટે બનાવવામાં આવી છે. આ પોલિસીની પાકતી મુદત પર, રોકાણકારને LIC તરફથી એક નિશ્ચિત રકમ મળે છે. આમાં રોકાણ કરવા માટે, મહિલાની ઉંમર 8 થી 55 વર્ષની વચ્ચે હોવી જોઈએ.

જો પોલિસી ધારક પોલિસી પૂર્ણ થયા પહેલા મૃત્યુ પામે છે, તો આવી સ્થિતિમાં પરિવારને આર્થિક સહાય મળે છે. આ સ્કીમમાં માત્ર શારીરિક રીતે સ્વસ્થ લોકો જ રોકાણ કરી શકે છે.

આધારશિલા પોલિસી હેઠળ, LIC આધારશિલા યોજના હેઠળ મૂળભૂત વીમા રકમ ઓછામાં ઓછી રૂ. 75,000 અને મહત્તમ રૂ. 3,00,000 છે. આ પ્લાનમાં, તમને પ્રીમિયમની માસિક, ત્રિમાસિક, અર્ધવાર્ષિક અને વાર્ષિક ચુકવણીનો વિકલ્પ મળે છે.

આ યોજનામાં પરિપક્વતાની મહત્તમ ઉંમર 70 વર્ષ છે. મતલબ કે પાકતી મુદતના સમયે પોલિસી ધારકની ઉંમર 70 થી વધુ ન હોવી જોઈએ. પાકતી મુદત પર એક સામટી રકમ પ્રાપ્ત થાય છે.