ભોજનમાં વપરાતા ખાંડ અને મીઠામાં હોય છે માઇક્રોપ્લાસ્ટિક, રીસર્ચમાં ખબર પડ્યું આ ચોંકાવનારુ સત્ય!

પર્યાવરણીય સંશોધન સંસ્થા ટોક્સિક્સ લિન્ક દ્વારા પ્રકાશિત અભ્યાસમાં જાણવા મળ્યું છે કે લગભગ તમામ ભારતીય મીઠા અને ખાંડની બ્રાન્ડ્સ, પછી ભલે તે અનપેકેજ હોય કે પેકેજ્ડ, માઇક્રોપ્લાસ્ટિક ધરાવે છે. 'માઈક્રોપ્લાસ્ટિક્સ ઇન સોલ્ટ એન્ડ સુગર' નામના આ અભ્યાસમાં 5 પ્રકારની ખાંડ અને 10 પ્રકારની મીઠાની તપાસ કરવામાં આવી હતી.   

અધ્યયનમાં અભ્યાસ કરાયેલા તમામ ખાંડ અને મીઠાના નમૂનાઓમાં ગોળીઓ, ફાઇબર અને ટુકડાઓ સહિત ઘણા પ્રકારના માઇક્રોપ્લાસ્ટિક્સની ઓળખ કરવામાં આવી હતી. તેમનું કદ 0.1mm થી 5mm સુધીનું હતું. માઇક્રોપ્લાસ્ટિક્સની સૌથી વધુ સાંદ્રતા આયોડાઇઝ્ડ મીઠામાં જોવા મળી હતી. 

આ અભ્યાસમાં, મીઠાના નમૂનાઓમાં માઇક્રોપ્લાસ્ટિક્સની સાંદ્રતા પ્રતિ કિલોગ્રામ 6.71-89.15 ટુકડાઓ સુધીની હતી. આયોડિન ધરાવતા મીઠાની સૌથી વધુ સાંદ્રતા કિલોગ્રામ દીઠ 89.15 ટુકડાઓ હતી. જ્યારે ઓર્ગેનિક રોક મીઠાની સાંદ્રતા સૌથી ઓછી એટલે કે 6.70 ટુકડા પ્રતિ કિલોગ્રામ હતી. 

અભ્યાસમાં પાંચ પ્રકારની ખાંડની તપાસ કરવામાં આવી હતી. તેના નમૂનાઓમાં સાંદ્રતા પ્રતિ કિલોગ્રામ 11.85-68.25 ટુકડાઓ સુધીની હતી. જેમાં નોન-ઓર્ગેનિક સુગરમાં માઇક્રોપ્લાસ્ટિકનું સ્તર સૌથી વધુ હતું. કોઈપણ રીતે, ખાંડનું વધુ પડતું સેવન સ્વાસ્થ્યને વધુ નુકસાન પહોંચાડે છે. 

માઈક્રોપ્લાસ્ટિક પર્યાવરણ અને સ્વાસ્થ્ય માટે ખૂબ જ હાનિકારક છે. આ સંભવિત નુકસાનને કારણે વિશ્વભરમાં તે ચિંતાનો વિષય બની ગયો છે. પ્લાસ્ટિકના આ નાના કણો ખોરાક, પાણી અને હવા દ્વારા માનવ શરીરમાં પ્રવેશી શકે છે. જેના કારણે એલર્જી, કેન્સર અને થાઈરોઈડનો ખતરો રહે છે.     Disclaimer: અહીં આપેલી જાણકારી ઘરેલુ નુસ્ખા અને સામાન્ય જાણકારીઓ પર આધારિત છે. તેને અપનાવતા પહેલા ડોક્ટરની સલાહ જરૂર લેવી. ZEE 24 કલાક તેની પુષ્ટિ કરતું નથી.