Neelam Gemstone: કઇ રાશિઓ માટે શુભ હોય છે નીલમ? રાજા રંક અને રંકને રાજ બનાવી દેશે આ રત્ન

નીલમનો શુભ પ્રભાવ વ્યક્તિને રંકમાંથી રાજા બનાવી શકે છે. તેનાથી જીવનની મુશ્કેલીઓ ખતમ થવા લાગે છે અને પ્રગતિના દ્વાર ખુલી જાય છે. જ્યોતિષ અનુસાર જો તમારી ઉપર શનિની મહાદશા, અંતર્દશા, સાડાસાતી અને ઢૈય્યા ચાલતી હોય તો આ રત્ન ધારણ કરવું ફાયદાકારક છે. 

જે લોકોની કુંડળીમાં શનિ નબળો અથવા પછી અશુભ સ્થિતિમાં હોય છે તેમને નીલમ પહેરવાની સલાહ આપવામાં આવે છે. રત્ન શાસ્ત્રના અનુસાર મકર અને કુંભ રાશિના લોકો માટે નીલ સારો માનવામાં આવે છે. આ ઉપરાંત વૃષભ, મિથુન, કન્યા, તુલા રાશિના જાતકોને પણ તેને પહેરવાથી સારા પરિણામ મળે છે. 

રત્ન શાસ્ત્રના અનુસાર મેષ, વૃશ્વિક, કર્ક, સિંહ રાશિના જાતકોને નીલમ પહેરવાનું ટાળવું જોઇએ. આ લોકોને નુકસાનનો સામનો કરવો પડી શકે છે. 

રત્ન શાસ્ત્રના અનુસાર વ્ય્કતિને સવા 5 થી લઇને સવા 7 રતીનો નીલમ પહેરવો જોઇએ. આ રત્નને પંચધાતુમાં ધારણ કરવો શુભ ગણવામાં આવે છે. તેને ધારણ કરવા માટે શનિવારે અને શનિનું નક્ષત્ર શુભ ગણવામાં આવે છે. રત્ન શાસ્ત્રના અનુસાર જમણા હાથની મધ્યમ આંગળીમાં નીલમ ધારણ કરવાથી શુભ પરિણામ આપે છે. 

જો તમારા માટે નીલમ અશુભ છે તો તમારી આંખોમાં મુશ્કેલી થઇ શકે છે. સાથે જ દુર્ઘટનાની સંભાવનાઓ વધી જાય છે. આ ઉપરાંત આર્થિક સંકટનો પણ સામનો કરવો પડી શકે છે.