અરમાન મલિક જ નહીં બોલિવૂડના આ અભિનેતાઓને પણ છે 2-2 પત્ની, બીજી પર દિલ આવતાં પહેલીને મુકી પડતી

અભિનેતા ધર્મેન્દ્ર જ્યારે હિન્દી સિનેમામાં આવ્યા ત્યારે તેઓ પરિણીત હતા પરંતુ તેમનું દિલ ડ્રીમ ગર્લ હેમા માલિની પર આવી ગયું. ત્યારપછી તેમણે પહેલી પત્નીની નારાજગીની પરવા કર્યા વિના ધર્મ બદલીને હેમા માલિની સાથે લગ્ન કર્યા.

રાજ બબ્બરે પહેલા નાદિરા બબ્બર સાથે લગ્ન કર્યા હતા પરંતુ તેનું સ્મિતા પાટિલ સાથે અફેર હતું. વાત એટલી આગળ વધી કે તેણે નાદિરાને છૂટાછેડા આપ્યા વિના સ્મિતા પાટિલ સાથે રહેવાનું શરુ કરી દીધું હતું અને પછી તેણે સ્મિતા પાટિલ સાથે લગ્ન કર્યા. તેમને એક પુત્રનો જન્મ પણ થયો પરંતુ તે દરમિયાન સ્મિતા પાટિલનું મૃત્યુ થયું હતું.  

મહેશ ભટ્ટ કોલેજના દિવસોમાં કિરણના પ્રેમમાં પડ્યા અને બંનેએ લગ્ન કરી લીધા. પરંતુ બાદમાં સોની રાઝદાન પર તેનું દિલ આવી ગયું. તે સમયે મહેશ ભટ્ટ 2 બાળકોના પિતા હતા.  તેમ છતાં તેણે સોની સાથે લગ્ન કર્યા. તેણે પણ પહેલી પત્ની કિરણને ક્યારેય છૂટાછેડા આપ્યા ન હતા.

સંજય ખાને ઝરીન કટરક સાથે લગ્ન કર્યા હતા. જો કે તેનું નામ અભિનેત્રી ઝીનત અમાન સાથે જોડાયું હતું. એવું કહેવાય છે કે સંજયે ઝીનત સાથે લગ્ન પણ કર્યા હતા. અને પત્ની ઝરીનને છૂટાછેડા પણ આપ્યા ન હતા.

સલીમ ખાન સુશીલા ચરકના પ્રેમમાં પડ્યા. ત્યારબાદ સુશીલાએ પોતાનો ધર્મ બદલ્યો અને તે સુશીલામાંથી સલમા બની ગયા. પરંતુ લગ્નના 16 વર્ષ બાદ તેમના જીવનમાં ઝંઝાવાત આવ્યો જ્યારે સલીમ ખાને હેલન સાથે લગ્ન કર્યા અને તે પણ સલમા ખાનને છૂટાછેડા આપ્યા વિના.