December 2023: રણબીર કપૂરની એનિમલથી લઈ શાહરુખ ખાન ડંકી સુધી આ 5 ફિલ્મો ડિસેમ્બરમાં થશે રિલીઝ
ડિસેમ્બરની શરુઆત વર્ષની સૌથી મોટી બ્લોકબસ્ટર ફિલ્મ સાથે થશે. રણબીર કપૂર, રશ્મિકા મંદાના, બોબી દેઓલ અને અનિલ કપૂર અભિનીત આ ફિલ્મે તેના ટ્રેલરથી ઇન્ટરનેટ પર ધૂમ મચાવી હતી. સંદીપ રેડ્ડી વાંગા દ્વારા નિર્દેશિત ફિલ્મને જોવા માટે લોકોમાં ભારે ઉત્સુકતા છે. રણબીર કપૂરની આ ફિલ્મ 1 ડિસેમ્બરે રિલીઝ થશે.
જનરલ સેમ માણેકશાની બાયોપિક પણ 1 ડિસેમ્બરે રિલીઝ થશે. મેઘના ગુલઝાર દ્વારા નિર્દેશિત આ ફિલ્મમાં વિકી કૌશલ, ફાતિમા સના શેખ અને સાન્યા મલ્હોત્રા જોવા મળશે.
ઝી સ્ટુડિયો દ્વારા નિર્મિત મનોજ બાજપેયીની સર્વાઇવલ ડ્રામા ફિલ્મ જોરમ ફિલ્મ ફેસ્ટિવલમાં વિજેતા બની છે. આ ફિલ્મ દર્શકોને ઈમોશનલ કરી દેશે. આ ફિલ્મ 8 ડિસેમ્બરે વિશ્વભરમાં રિલીઝ થશે.
વર્ષનો અંત શાહરૂખ ખાનની શાનદાર ફિલ્મ ડંકી સાથે થશે. આ એક રસપ્રદ વિષય પર આધારિત ફિલ્મ છે. રાજકુમાર હિરાની દ્વારા નિર્દેશિત આ ફિલ્મમાં તાપસી પન્નુ અને વિકી કૌશલ પણ છે. આ ફિલ્મ 22મી ડિસેમ્બરે રિલીઝ થશે.
પ્રભાસની આ ફિલ્મને લઈને ચાહકોમાં ભારે આતુરતા છે. ફિલ્મનું પ્રમોશન જોરશોરથી ચાલી રહ્યું છે. ફિલ્મ સાલાર 22 ડિસેમ્બર 2023ના રોજ સિનેમાઘરોમાં રિલીઝ થશે.