ઘરે બેઠા મહિલાઓ શરૂ કરે આ સરળ બિઝનેસ, દર મહિને પતિ કરતાં કરશે વધુ કમાણી
આ બિઝનેસ આઈડિયા વિશે તમને જાણ થતાં જ તમને તરત જ તેને શરૂ કરવાનું મન થશે. આ બિઝનેસ શરૂ કરીને તમે ઘરે બેસીને ઘણું કમાઈ શકો છો અને તમારા પતિનો સહારો પણ બની શકો છો. તમે પહેલાથી જ જાણો છો કે ભારતમાં દરેક ઘરમાં સાવરણીનો ઉપયોગ થાય છે. સાવરણી વગર સફાઈ કરી શકાતી નથી. એવામાં દરરોજ ઝાડુની માંગ રહે છે. શું તમે જાણો છો કે સાવરણી હાથ વડે ખૂબ જ સરળતાથી બનાવી શકાય છે પરંતુ જેમ જેમ સમય આગળ વધી રહ્યો છે, હવે તે મશીનો દ્વારા પણ કરવામાં આવી રહ્યો છે, જો કે, આ વ્યવસાયને યોગ્ય રીતે કેવી રીતે શરૂ કરવો અને તેમાં અંદાજે કેટલા ખર્ચ આવશે, તેના વિશે અમે તમને જણાવીશું.
જો તમારી પાસે વધારે પૈસા નથી તો જરૂરી નથી કે તમે શરૂઆતના તબક્કામાં સાવરણી બનાવવાનું મશીન ખરીદો. જો તમે ઈચ્છો તો ઘરેથી જ તેની શરૂઆત કરી શકો છો. હા, તમારે સાવરણીનો બિઝનેસ શરૂ કરવા માટે વધુ જગ્યાની જરૂર નથી. આ બિઝનેસ ઓછી જગ્યામાં પણ શરૂ કરી શકાય છે. જો આપણે શરૂઆતી ખર્ચ વિશે વાત કરીએ, તો તમારે સાવરણીનો વ્યવસાય શરૂ કરવા માટે ₹10 થી ₹20,000ની જરૂર પડી શકે છે.
સૌ પ્રથમ તમારે સાવરણી બનાવવા માટેની સામગ્રી ખરીદવાની જરૂર પડશે. તમારે એ પણ નક્કી કરવું પડશે કે તમે કઈ સામગ્રીમાંથી સાવરણી બનાવવા માંગો છો. જોકે સાવરણી ઘણી રીતે બનાવવામાં આવે છે. જેમ કે- ઘાસ, સુકા ખજૂરના પાન, નારિયેળ વગેરેમાંથી. આ સાથે, તમારે સાવરણીનું હેન્ડલ બનાવવા માટે હેન્ડલ કપ પણ ખરીદવા પડશે. તમે તેને હોલસેલ માર્કેટમાંથી ઓછી કિંમતે પણ ખરીદી શકો છો. આ સાથે લોકો પ્લાસ્ટિકની દોરીનો પણ ઉપયોગ કરે છે.
સાવરણીનો વ્યવસાય શરૂ કરવાની ખાસ વાત એ છે કે તમારે બહારના લોકોની મદદ લેવી જરૂરી નથી. આ માટે તમે તમારા પરિવારના સભ્યોની મદદ પણ લઈ શકો છો, જોકે કેટલાક લોકો શરૂઆતના તબક્કામાં સાવરણી બનાવવાનું મશીન ખરીદે છે. જ્યારે સાવરણી બને છે, ત્યારે તમારે તેને સારી રીતે પેકેજ કરવું પડશે કારણ કે જો પેકેજિંગ સારું નહીં હોય તો લોકો તેને સારી કિંમતે ખરીદશે નહીં અને તમારી મહેનત ફળ આપશે નહીં.
જ્યારે તમારી સાવરણી બની જાય છે તો તમે તેને બજારમાં છૂટકમાં પણ વેચી શકો છો અથવા પછી પરિવારના સભ્યોની મદદથી કોઇપણ ઇ-કોમર્સ પ્લેટફોર્મ જેમ કે ફ્લિપકાર્ડ, અમેઝોન પર પણ તેને મોકલી શકો છો. જો તમે તમારા સાવરણીના બિઝનેસ કોઇ મોટા મોલ અથવા પછી દુકાન સાથે જોડી લો છો તમારે દર મહિને આરામથી 30 થી 40 હજાર સુધીની કમાણી થઇ જશે.