સુરતના જ્વેલર્સે હોંગકોંગનો રેકોર્ડ તોડ્યો, એવી બ્રેસલેટ વોચ બનાવી કે ગિનિઝ બૂકમાં નામ ચમક્યું

આ વોચ બ્રેસલેટમાં શેનો-શેનો ઉપયોગ કરવામાં આવ્યો તેની વાત કરીએ તો, વોચ બ્રેસલેટમાં 12 નેચરલ રીયલ બ્લેક ડાયમંડ લગાવવામાં આવ્યા છે. 0.72 કેરેટનો ડાયમંડ લગાવ્યો છે. આ સિવાય 12 નેચરલ રિયલ બ્લેક ડાયમંડ, 113 નિલમની ચોકીઓ લગાવવામાં આવી છે. 

વોચ બ્રેસલેટનું કુલ વજન 373.030 ગ્રામ છે. જેમાં ડાયમંડનું વજન 54.70 ગ્રામ છે. બંનેની 8 થી 10 મહિનાની સખત મહેનતના પરિણામે વોચ બ્રેસલેટ તૈયાર થઈ છે. 

જોકે આ વોચ બ્રેસલેટ એકમાત્ર સિંગલ પીસ જ રહેશે. કેમ કે વિશ્વમાં આવું વોચ બ્રેસલેટ ફરી બનાવવામાં આવશે નહીં.

હેમલભાઈ કાપડિયા દ્વારા જણાવવામાં આવ્યું હતું કે, અમે કંઈક નવું અને અનોખું કરવા ઈચ્છતા હતાં. જેથી અમે 8 થી 10 મહિનાની મહેનતના અંતે બ્રેસલેટ વોચ તૈયાર કરી છે. જેમાં ડાયમંડની સાથે ગોલ્ડનો ઉપયોગ કરાયો છે. પહેરવામાં એકદમ આકર્ષક લાગતી આ વોચ અમે સિંગલ રાખીશું. બીજો પીસ અમે બનાવીશું નહીં. જેથી વિશ્વમાં આ એક માત્ર જ પીસ રહી શકે તે પ્રકારે અમારે કરવું છે.