Pics : રાજપીપળામાં તલવાર સાથે રાજપૂતાણીઓનો રાસ, કહ્યું-હાથમાં આવે તો શક્તિનો સંચાર અનુભવાય છે

રાજપીપળાના રાજપૂત ફળિયામાં રાજપૂતાણીઓએ તલવારના વિવિધ કરતબ સાથે માતાજીના ગરબા કર્યા. આમ, તેમના ગરબા આકર્ષણનું કેન્દ્ર બની રહ્યા. આજની મહિલાઓ પણ તલવાર બાજી કરતી જોઈ સૌ ચકિત થઈ ગયા હતા. શ્રી કૃષ્ણ મિરેકલ હવેલી દ્વારા આયોજિત શેરી ગરબામાં આ તલવારબાજી ગરબા કરાયા હતા. 

રાજપૂતાણી સ્મીતા ગોહિલે તલવાર હાથમાં લેતા જણાવ્યું હતું કે, તલવારને રાજપૂત સમાજનું શૌર્ય ગણવામાં આવે છે અને માતાની શક્તિ જેમાં હોઈ છે આ તલવાર હાથમાં આવતા શરીરમાં એક અનોખી શક્તિનો સંચાર થાય છે. જાણે કે આપણા હાથમાં એક એવી શક્તિ આવે છે જેને કારણે તલવાર ચલાવતા કોઈ પણ જાતનો ભય રહેતો નથી.   

તો અન્ય એક મહિલા આયુષી ગોહિલે કહ્યું કે, મા શક્તિ સાથે એક અનેરો આંનદ પણ થાય છે કે આજના યુગમાં જ્યારે મહિલાઓ પોતાના રક્ષણ માટે પણ જો તલવાર ચલાવી પડે તો તો તે પાછી નહિ હટે. આજે અમે મહિલાઓ તલવાર કરતબ થકી પોતાનું રક્ષણ પણ થઈ શકે એમ માનીએ છીએ.