ફરી ચકનાચૂર થયું એલોન મસ્કનું સપનું, લોન્ચિંગ પછી નાશ પામ્યું સ્પેસએક્સનું શક્તિશાળી રોકેટ

મસ્ક લોકોને ચંદ્ર અને મંગળ પર લઈ જવા માટે તેના રોકેટ કાફલાનો ઉપયોગ કરવા માગે છે.

એલોન મસ્કની કંપની 'સ્પેસએક્સ'એ શનિવારે તેનું વિશાળ રોકેટ 'સ્ટારશિપ' લોન્ચ કર્યું હતું, પરંતુ બૂસ્ટર અને પછી વાહનમાં વિસ્ફોટ થવાને કારણે તેની બીજી ટેસ્ટ ફ્લાઈટ નિષ્ફળ ગઈ હતી.

બૂસ્ટરે રોકેટને અવકાશ તરફ મોકલ્યું, પરંતુ દક્ષિણ ટેક્સાસથી ટેકઓફ થયાના આઠ મિનિટ પછી સંદેશાવ્યવહાર ખોવાઈ ગયો, અને સ્પેસએક્સે જાહેરાત કરી કે પરીક્ષણ નિષ્ફળ ગયું છે.

આ સમસ્યા ત્યારે થઈ જ્યારે સ્પેસક્રાફ્ટના એન્જિન પૃથ્વીની પરિક્રમા કરવા જવાના હતા, પરંતુ તેની થોડી મિનિટો પહેલાં બૂસ્ટરમાં વિસ્ફોટ થયો. કંપનીનું લક્ષ્ય વાહનને તેના બૂસ્ટરથી અલગ કરીને અવકાશમાં મોકલવાનું હતું.

'સ્ટારશિપ' રોકેટ એપ્રિલમાં તેની પ્રથમ પરીક્ષણ ઉડાન પછી તરત જ વિસ્ફોટમાં નાશ પામ્યું હતું. SpaceX એ મેક્સિકો સરહદ નજીક ટેક્સાસના દક્ષિણ છેડે સ્થિત રોકેટ અને લોન્ચ પેડ બંનેને સુધારવા માટે છેલ્લા કેટલાક મહિનાઓ ગાળ્યા છે.

ફેડરલ એવિએશન એડમિનિસ્ટ્રેશને આ અઠવાડિયાની શરૂઆતમાં ઉડાન સંબંધિત તમામ જરૂરી મંજૂરીઓ આપી હતી. અંદાજે 400 ફૂટ ઊંચું 'સ્ટારશિપ' વિશ્વનું સૌથી મોટું અને સૌથી શક્તિશાળી રોકેટ છે.