Test Cricket ના ઈતિહાસમાં એક ઓવરમાં ભારતના આ બોલરે ફટકાર્યા છે સૌથી વધુ રન!

ટેસ્ટ મેચની એક ઓવરમાં સૌથી વધુ 35 રન બનાવવાનો વર્લ્ડ રેકોર્ડ ટીમ ઈન્ડિયાના ફાસ્ટ બોલર જસપ્રિત બુમરાહના નામે છે. જસપ્રીત બુમરાહે આ કારનામું વર્ષ 2022માં ઈંગ્લેન્ડ સામે જુલાઈમાં રમાયેલી એકમાત્ર ટેસ્ટમાં કર્યું હતું. બર્મિંગહામમાં રમાયેલી આ મેચમાં ઝડપી બોલર સ્ટુઅર્ટ બ્રોડે એક જ ઓવરમાં 35 રન બનાવ્યા હતા. આ દરમિયાન જસપ્રીત બુમરાહના બેટમાંથી 29 રન આવ્યા અને બાકીના 6 રન એક્સ્ટ્રા તરીકે આવ્યા.

ટેસ્ટ મેચની એક ઓવરમાં સૌથી વધુ રન બનાવનારા ક્રિકેટરોની યાદીમાં વેસ્ટ ઈન્ડિઝના મહાન બેટ્સમેન બ્રાયન લારા બીજા ક્રમે છે. વર્ષ 2003-04માં બ્રાયન લારાએ દક્ષિણ આફ્રિકાના લેફ્ટ આર્મ સ્પિનર ​​રોબિન પીટરસનની એક ઓવરમાં 28 રન ફટકાર્યા હતા.

આ યાદીમાં ઓસ્ટ્રેલિયાના પૂર્વ ODI કેપ્ટન જ્યોર્જ બેઈલી ત્રીજા નંબર પર છે. જ્યોર્જ બેઈલીએ વર્ષ 2013-14માં ફાસ્ટ બોલર જેમ્સ એન્ડરસનની એક ઓવરમાં 28 રન ફટકાર્યા હતા. જ્યોર્જ બેઇલીએ આ દરમિયાન 3 સિક્સ અને 2 ફોર ફટકારી હતી.

દક્ષિણ આફ્રિકાના ઓફ સ્પિન ઓલરાઉન્ડર કેશવ મહારાજે પણ એક ઓવરમાં 28 રન બનાવવાનું કારનામું કર્યું છે. કેશવ મહારાજે જો રૂટની એક ઓવરમાં 28 રન ફટકાર્યા હતા. કેશવ મહારાજે આ દરમિયાન 2 છગ્ગા અને 3 ચોગ્ગા ફટકાર્યા હતા.

પાકિસ્તાનના ભૂતપૂર્વ ઓલરાઉન્ડર શાહિદ આફ્રિદીએ પણ એક ઓવરમાં 27 રન બનાવ્યા છે. વર્ષ 2005માં લાહોરમાં ભારત સામે રમાયેલી ટેસ્ટ મેચમાં શાહિદ આફ્રિદીએ ઓફ સ્પિનર ​​હરભજન સિંહની એક ઓવરમાં 4 છગ્ગાની મદદથી 27 રન બનાવ્યા હતા.