ટ્વિન્કલ મ્હાલી ડુંગળીના ઇયરિંગ પહેરીને, તસવીર પણ કરી પોસ્ટ

હાલમાં અક્ષયકુમાર પોતાની આગામી ફિલ્મ ગુડ ન્યૂઝના શૂટિંગમાં વ્યસ્ત છે. 

અક્ષય કુમાર તેના કોમિક અંદાજ માટે જાણીતો છે. તેણે પત્નીને આ ખાસ ઇયરિંગ આપ્યા છે જે તેની પત્નીને બહુ પસંદ પડ્યા છે. 

આ તસવીરને શેર કરતા ટ્વિંકલે જણાવ્યું કે, કપિલ શર્માના શો પર ફિલ્મ ‘ગુડ ન્યૂઝ’ના પ્રમોશન દરમિયાન આ ઈયરરિંગ્સ કરીનાને આપવામાં આવી, પરંતુ આ કરીનાને ખાસ પસંદ ન આવી તો અક્ષય મારા માટે લઈ આવ્યો. ટ્વિંકલ લખે છે, મારો પાર્ટનર કપિલ શર્મા શોમાં પરફોર્મ કરીને આવ્યો અને કહ્યું કે આ ઈયરરિંગ્સ કરીનાને બતાવી રહ્યા હતા, પરંતુ મને નથી લાગતું કે તે વધારે ઈમ્પ્રેસ થઈ, પરંતુ હું જાણતો હતો કે આ તને ખૂબ પસંદ આવશે, આથી હું આ તારા માટે લઈને આવ્યો. 

આ ગિફ્ટ મળી એ પહેલાં ટ્વિન્કલે મોંઘીદાટ ડુંગળી સાથેની તસવીર પોસ્ટ કરી હતી અને ડુંગળી વગરની પાંચ રેસિપી શેયર કરી હતી. 

કપિલના શો પર અક્ષય અને કરીના પોતાની આગામી ફિલ્મ ‘ગુડ ન્યૂઝ’ના પ્રમોશન માટે પહોંચ્યા હતા. 27 ડિસેમ્બરે રિલીઝ થનારી આ ફિલ્મની સ્ટોરી બે એવા મેરિડ કપલની છે, જે લગ્ન બાદ સંતાન માટે IVF ટેકનિકનો સહારો લે છે.