આ સાપની સાથે એવું શું થયું, જે 250 કિમી દૂર લઇ જવો પડ્યો, જાણીને રહી જશો દંગ
ડિવિઝનલ ફોરેસ્ટ ઓફિસર (ડીએફઓ) અશોક કુમારે જણાવ્યું હતું કે શનિવારે એક દુકાનમાં બચાવ કામગીરી દરમિયાન કોબ્રા ઘાયલ થયો હતો. બદાઉન જિલ્લામાં અને તેની આસપાસના કોબ્રા માટે સારી સારવાર વ્યવસ્થાના અભાવને કારણે, તેને દિલ્હીના વાઇલ્ડલાઇફ એસઓએસ સેન્ટરમાં મોકલવામાં આવ્યો હતો, ત્યારબાદ તેને દિલ્હી લઇ જવામાં આવ્યો હતો.
શનિવારે સાંજે દુકાનનો એક મજૂર લોખંડનો સળિયો લેવા આવ્યો હતો પરંતુ દુકાનમાં કોબ્રાને જોઈને તે ડરી ગયો અને તેના હાથમાંથી સળિયો સરકીને સાપ પર પડ્યો.
પ્રાણી કલ્યાણ સંગઠન 'પીપલ્સ ફોર એનિમલ્સ'ના જિલ્લા એકમના પ્રમુખ વિકેન્દ્ર શર્માએ જણાવ્યું કે તેઓ ઘટનાની માહિતી મળતા જ ઘટનાસ્થળે પહોંચી ગયા અને આ બાબતની જાણ સાંસદ અને પૂર્વ કેન્દ્રીય મંત્રી મેનકા ગાંધીને કરી, ત્યારબાદ મેનકા ગાંધીએ કોબ્રાને સારવાર માટે દિલ્હી લઈ જવાની સલાહ આપી.
શર્માએ જણાવ્યું હતું કે રવિવારે બપોરે કોબ્રાને ખાનગી એમ્બ્યુલન્સ દ્વારા 'વાઇલ્ડલાઇફ એસઓએસ સેન્ટર' દિલ્હી લઇ જવામાં આવ્યો હતો. તેણે કહ્યું કે તેના બે સ્વયંસેવકો કોબ્રાને દિલ્હી લઈ ગયા અને તેને 'વાઈલ્ડલાઈફ એસઓએસ સેન્ટર'માં દાખલ કર્યો. તેમણે કહ્યું કે કોબ્રા સ્વસ્થ થઈ જાય પછી તેને જંગલમાં છોડી દેવામાં આવશે.
જિલ્લામાં આ પહેલો કેસ છે જેમાં ઘાયલ સાપને સારવાર માટે દિલ્હી મોકલવામાં આવ્યો હોય. પશુ પ્રેમી વિકેન્દ્ર પણ કહે છે કે પ્રાણીઓની પીડા સમજવી જોઈએ. બે વોયલિયંટર સાપને દિલ્હી લઈ ગયા અને સારવાર માટે દાખલ કર્યો. સાપ સ્વસ્થ થયા બાદ તેને જંગલમાં છોડી દેવામાં આવશે.