આ તસવીરો જોઈને તમારા રુંવાડા ઉભા થઈ જશે! ખાડાના પાણીમાં ધોવાઈ શાકભાજી, પછી માર્કેટમાં વેચાઈ
શિયાળામાં શાકભાજી સસ્તા અને સારા મળે છે. જાતભાતની શાકભાજી શિયાળામાં મોટા પ્રમાણમાં માર્કેટમાં આવે છે. પરંતુ તમે જે શાકભાજી માર્કેટમાંથી ખરીદો છો તે શુદ્ધ હોય છે?, આ પ્રશ્ન અમે એટલા માટે પૂછી રહ્યા છીએ કે શુદ્ધ અને તાજા દેખાતા શાકભાજીનો એક એવો વીડિયો વાયરલ થયો છે જેને જોઈ તમે ચોંકી જશો...ત્યારે શું છે તાજા શાકભાજીનું સત્ય?, શું સામે આવ્યો વીડિયો?...જુઓ આ અહેવાલમાં....
શિયાળામાં તમે શુદ્ધ અને તાજા શાકભાજીના નામે આ શાકભાજી ખાતા તો નથીને? કારણ કે લોકોને માર્કેટમાં જે ચોખ્ખા શાકભાજી દેખાય છે તે શાકભાજીને ચોખ્ખા કરવા માટે દૂષિત પાણીમાં ધોવાઈ રહ્યા છે. જે ગંદા પાણીમાં આપણે હાથ પણ ન ધોઈએ ત્યાં શાકભાજીને ચોખ્ખા કરવામાં આવી રહ્યા છે. વિચારો કે ગટરના આ ગંદા પાણીથી કેવી રીતે શુદ્ધ શાકભાજી શુદ્ધ થતાં હશે?
માર્કેટમાં શાકભાજીના વેપારીઓ પોતાની ઈચ્છા મુજબના ભાવ લોકો પાસેથી લે છે. લોકો હોંશે હોંશે ભાવ પણ આપે છે. પરંતુ આ ભાવ તેઓ તાજા અને શુદ્ધ શાકભાજી માટે આપે છે. નહીં કે આવા ગટરના ગંદા પાણીથી ધોયેલા શાકભાજી માટે. આ વીડિયો વડોદરાથી સામે આવ્યો છે.
વડોદરાના છાણી દુમાડના સીમ વિસ્તારમાં પાણીથી ભરેલા એક ખાડામાં શાકભાજીને ધોવાનો આ વીડિયો વાયરલ થતાં હાહાકાર મચી ગયો છે. જો કે શાકભાજી વેચનારા એવો દાવો કરી રહ્યા છે કે આ ગટરનું પાણી નથી. પરંતુ બોરવેલમાંથી છોડેલું પાણી છે. અને તંત્રને એવી સલાહ આપી રહ્યા છે કે તંત્રએ શાકભાજી ધોવા માટે ખેડૂતોને ખેતરમાં તળાવ બનાવી આપવા જોઈએ.
ખેડૂતોનો દાવો છે કે તંત્રએ તળાવ બનાવી નથી આપ્યા જેના કારણે ખાડાના પાણીમાં શાકભાજી ધોવા ખેડૂતો મજબૂર છે. વેપારીઓને શાકભાજી ધોવા માટે તંત્રએ વ્યવસ્થા કરી આપવી જોઈએ.
આ કહેવતને કદાચ સાર્થક કરી રહ્યા છે વડોદરાના આ લોકો. જે સામાન્ય નાગરિકો તમને મોં માગ્યા ભાવ આપે છે. સારુ અને તાજુ શાકભાજી તમને મળી રહે તેની જવાબદારી તમારી છે. પરંતુ જો આ રીતે તમે જ અશુદ્ધ શાકભાજી લોકોને ખવરાવશો તો લોકોના આરોગ્યનું શું થશે? લોકોના આરોગ્ય સાથે ચેડા ન થાય તે જોવાનું કામ તંત્રનું છે ત્યારે તંત્રએ જ આ મામલે ધ્યાન રાખવું પડશે.