શું તમને ખબર છે વોટ્સએપના આ જરૂરી ફીચર્સની? બદલાઈ જશે યુઝ કરવાનો અંદાજ

વોટ્સએપે હાલમાં જ વ્યૂ વન્સ ફીચર જાહેર કર્યુ હતું જેમાં સ્નેપચેટની જેમ યુઝર કોઈપણ તસવીર અથવા વીડિયો એવી રીતે શેર કરી શકે છે કે સામેની વ્યક્તિ માત્ર એકવાર તેને જોઈ શકે છે અને ત્યારબાદ તે ગાયબ થઈ જાય છે. ફોટો અથવા વીડિયો શેર કરતા સમયે ત્યાં આપેલા '1' ઓપ્શનને સિલેક્ટ કરી તમે આ ફીચરને યુઝ કરી શકો છો.

2021 માં જાહેર કરવામાં આવેલા વોટ્સએપના આ ફીચરને યુઝર્સે સૌથી વધારે પસંદ કર્યું છે. આ ફીચરની મદદથી યુએસબી ટાઈપ-સી વાયરની મદદથી તેમની ચેટને એક ફોનમાંથી બીજા ફોનમાં મોકલી શકે છે. આ ઓપ્શન તમને વોટ્સએપ સેટિંગમાં મળશે.

આ મેસેજિંગ એપે એક ખાસ UPI આધારિત પેમેન્ટ પ્લેટફોર્મ 'વોટ્સએપ પે' પણ શરૂ કર્યું છે, જેનો ઉપયોગ કરીને તમે કોઈપણને પૈસા મોકલી શકો છો અને વોટ્સએપ ચેટમાં જ તેમની પાસેથી પૈસા મેળવી શકો છો.

થોડા સમય પહેલા જાહેર કરવામાં આવેલા આ ફીચરને પણ યુઝર્સે ઘણું પસંદ કર્યું છે. આ ફીચરની મદદથી હવે તમે તમારા લેપટોપ અથવા ડેસ્કટોપ એટલે કે વોટ્સએપ વેબથી પણ વોટ્સએપ પર આવતા વોઈસ અથવા વીડિયો કોલ્સ રીસીવ કરી શકો છો.

વોટ્સએપનું આ ફીચર જોરદાર છે. થોડા મહિના પહેલા રોલઆઉટ કરવામાં આવેલા આ મલ્ટી ડિવાઈસ ફીચરની મદદથી તમે તમારા ફોનને ઇન્ટરનેટથી કનેક્ટ કર્યા વગર અન્ટ ડિવાઈસ પર વોટ્સએપ એક્સેસ કરી શકો છો.