તમે લોકોનું ધ્યાન ભટકાવો છો, એવું કહીને આ પ્લેયરને ઓલિમ્પિકમાંથી બહાર તગેડી દેવાઈ!

પેરાગ્વેના સ્વિમર લુઆના અલાંસો સામેના તાજેતરના આરોપોએ સોશિયલ મીડિયા પર ઘણી હેડલાઇન્સ બનાવી હતી. તેની સુંદરતાના કારણે તેને પેરિસ ઓલિમ્પિકમાંથી બહાર કરવામાં આવી હોવાના અહેવાલ હતા. જોકે, લુઆના અલાંસોએ પોતે આ તમામ અહેવાલોને નકારી કાઢ્યા છે.

લુઆના અલાંસો 19 સપ્ટેમ્બર 2004ના રોજ જન્મી છે. તે બટરફ્લાય સ્ટ્રોક ઇવેન્ટ્સમાં નિષ્ણાત છે. તે 100 મીટર બટરફ્લાય ઈવેન્ટમાં પેરાગ્વેની રાષ્ટ્રીય રેકોર્ડ ધરાવે છે. લુઆના અલાંસો હાલમાં ડલ્લાસ, યુએસમાં સધર્ન મેથોડિસ્ટ યુનિવર્સિટીમાં વિદ્યાર્થી છે. યુ.એસ. વીકલી મેગેઝિને અહેવાલ આપ્યો છે કે યુનિવર્સિટીની મહિલા સ્વિમિંગ અને ડાઇવિંગ ટીમમાં જોડાતા પહેલા તે એક સેમેસ્ટર માટે વર્જિનિયા ટેકનો ભાગ હતી.

લુઆના 17 વર્ષની ઉંમરે 2020 ટોક્યો ઓલિમ્પિકમાં તેના દેશનું પ્રતિનિધિત્વ કર્યા પછી ચર્ચામાં આવી હતી. તે સમયે તે 28મા ક્રમે હતી અને સેમિફાઇનલમાં આગળ વધવામાં નિષ્ફળ રહી હતી.   

તેણીએ 2024 પેરિસ ઓલિમ્પિકમાં તેણીનો બીજો દેખાવ કર્યો હતો, પરંતુ છઠ્ઠા સ્થાને રહીને તે ગેમમાંથી બહાર થઈ ગઈ હતી.  આ પહેલા તેણે યુથ ઓલિમ્પિક ગેમ્સ, સાઉથ અમેરિકન ગેમ્સ અને વર્લ્ડ ચેમ્પિયનશિપમાં પણ ભાગ લીધો હતો.  

એલોન્સોએ 2024 ઓલિમ્પિકમાં અમેરિકાનું પ્રતિનિધિત્વ કરવાની ઈચ્છા વ્યક્ત કરી હતી.  ઈન્સ્ટાગ્રામ પર લાઈવ સ્ટ્રીમમાં તેણે કથિત રીતે કહ્યું કે તેને પેરાગ્વે કરતાં અમેરિકા વધુ પસંદ છે.

કેટલાક સ્થાનિક મીડિયાએ અહેવાલ આપ્યો છે કે એલોન્સોએ તેના પેરાગ્વેન સાથી ખેલાડીઓને ટેકો આપવાને બદલે ડિઝનીલેન્ડમાં સમય પસાર કર્યો હતો. ડેઈલી મેઈલના એક અહેવાલમાં જણાવવામાં આવ્યું છે કે તે ઓલિમ્પિક ગેમ્સમાં તેના ટૂંકા કપડા અને અન્ય એથ્લેટ્સ સાથેની વાતચીતના કારણે સમાચારમાં હતી.

લુઆના અલાંસોએ ઈન્સ્ટાગ્રામ પર કહ્યું કે તેની સામેના આરોપો ખોટા છે. તેણીએ કહ્યું, "હું માત્ર સ્પષ્ટ કરવા માંગતી હતી કે મને ક્યારેય બહિષ્કૃત કરવામાં આવી નથી અથવા ક્યાંયથી કાઢી મૂકવામાં આવી નથી. કૃપા કરીને ખોટી માહિતી ફેલાવવાનું બંધ કરો. હું કોઈ નિવેદન આપવા માંગતી નથી, પરંતુ હું જૂઠને મારા પર હાવી થવા દઈશ નહીં." " સેમિફાઇનલમાં ક્વોલિફાય કરવામાં નિષ્ફળ રહ્યા બાદ એલોન્સોએ કહ્યું કે, હું સ્વિમિંગમાંથી નિવૃત્તિ લઈ રહ્યો છું.