નવરાત્રિની આઠમના દિવસે પાનના પત્તાના કરો આ અચૂક ઉપાય, થશો માલામાલ દુર થશે નોકરી-વેપારની સમસ્યાઓ

Chaitra Navratri 2023: ચૈત્ર નવરાત્રિ 22 માર્ચથી શરૂ થઈ છે અને 30 માર્ચ ગુરુવારે સમાપ્ત થશે. નવરાત્રિને પૂર્ણ થવામાં હવે ગણતરીના દિવસો જ બાકી રહ્યા છે. તેવામાં જો તમે આર્થિક સમસ્યાઓથી પરેશાન છો તો મહાષ્ટમીના દિવસે કેટલાક ખાસ ઉપાય કરવાથી તમે આ સમસ્યાઓથી છુટકારો મેળવી શકો છો. કારણ કે મહાઅષ્ટમીના દિવસે વિશેષ સંયોગો બની રહ્યા છે અને આ દરમિયાન કરવામાં આવેલા ઉપાયો અચૂક સાબિત થશે. આ વર્ષે બુધવારે મહાઅષ્ટમી ઉજવાશે, આ દિવસે તમે પાનના આ વિશેષ ઉપાય કરીને તમારી બધી સમસ્યાઓથી છુટકારો મેળવી શકો છો.  

આ પણ વાંચો:

મહાઅષ્ટમીના અચૂક ઉપાય

- મહાષ્ટમીના દિવસે અખંડ પાન પર ગુલાબની તાજી પાંખડી મૂકીને માં દુર્ગાને અર્પણ કરો. આમ કરવાથી તમારા જીવનમાં ધનની આવક વધશે.

- મહાષ્ટમીની પૂજામાં પાન મુકવું અને તેના પર એલચી અને લવિંગ મુકીને બીડું બનાવી અને માં દુર્ગાના ચરણોમાં ચઢાવી દો આમ કરવાથી દરેક પ્રકારના ઋણમાંથી મુક્તિ મળે છે.

- જો તમે તમારા કાર્યક્ષેત્રમાં સફળતા મેળવવા માંગો છો તો નવરાત્રિની આઠમના દિવસે એક પાન લેવું અને તેની બંને બાજુ સરસવનું તેલ લગાવો અને માં દુર્ગાને અર્પણ કરો. રાત્રે આ પાનને માથા નજીક રાખીને સૂઈ જવું. બીજા દિવસે સવારે જાગો પછી આ પાનને દુર્ગા મંદિરમાં મુકી આવો.  

- વૈવાહિક જીવન સાથે જોડાયેલી સમસ્યાઓથી છુટકારો મેળવવા માટે નવરાત્રિમાં આવતાં મંગળવારે એક પાન લેવું તેની મુલાયમ બાજુ પર સિંદૂરથી જય શ્રીરામ લખો અને તેને હનુમાન મંદિરમાં ચઢાવો.