Surya Grahan 2023: સૂર્યગ્રહણ દ્વારા રાહુ-કેતુ લે છે બદલો, જાણો ગ્રહણ લાગવા પાછળની કહાની
Solar Eclipse 2023: 20 એપ્રિલ 2023ના સૂર્ય ગ્રહણ લાગવાનું છે. આ વર્ષ 2023નું પ્રથમ સૂર્ય ગ્રહણ છે, જે ભારતમાં જોવા મળશે નહીં. એટલે તેનો સૂતકકાળ અહીં માન્ય રહેશે નહીં.
નવી દિલ્હીઃ Surya Grahan 2023: 20 એપ્રિલ 2023ના વર્ષનું પ્રથમ સૂર્ય ગ્રહણ દુનિયાના ઘણા દેશોમાં જોવા મળશે, પરંતુ ભારત પર તેનો પ્રભાવ પાડશે નહીં. વિજ્ઞાન ગ્રહણને માત્ર એક ખગોળીય ઘટના માને છે પરંતુ ધાર્મિક દ્રષ્ટિથી સૂર્ય અને ચંદ્ર ગ્રહણને ખુબ મહત્વપૂર્ણ માનવામાં આવ્યું છે. પૌરાણિક માન્યતા અનુસાર ગ્રહણ માટે રાહુ-કેતુને જવાબદાર માનવામાં આવ્યા છે. તેની અશુભ છાયાથી બચવા માટે સૂર્ય અને ચંદ્ર ગ્રહણમાં શુભ કાર્યો કરવાની મનાઈ હોય છે. માન્યતા છે કે ગ્રહણમાં આ ગ્રહોની છાયા મનુષ્યના બનતા કાર્યોને બગાડે છે. આવો જાણીએ સૂર્ય અને ચંદ્ર ગ્રહણ સાથે રાહુ-કેતુનો શું સંબંધ છે.
સૂર્ય ગ્રહણની કથા (Surya Grahan Katha)
સૂર્ય ગ્રહણને લઈને પુરાણોમાં સમુદ્ર મંથનની કથાનું વર્ણન મળે છે. સમુદ્ર મંથન દરમિયાન 14 રત્નો બહાર આવ્યા હતા, જેમાંથી એક અમૃત કળશ પણ હતો. આ અમૃત કલશ મેળવવા માટે દેવતાઓ અને અસુરો વચ્ચે વિવાદ થયો. મામલો ઉકેલવા માટે ભગવાન વિષ્ણુએ મોહિનીનું રૂપ ધારણ કર્યું અને દેવતાઓ અને દાનવોને એકાંતરે અમૃત પીવડાવવાની વાત કરી. જ્યારે દેવતાઓને અમૃત વહેંચવામાં આવી રહ્યું હતું, ત્યારે સ્વરભાનુ નામના અસુરે પોતાનું સ્વરૂપ બદલી નાખ્યું અને અમૃત પીવા માટે સૂર્યદેવ અને ચંદ્રદેવની વચ્ચે બેઠા, પરંતુ બંને દેવતાઓએ અસુરને ઓળખી લીધો હતો.
આ પણ વાંચોઃ Guru Uday 2023: 27 એપ્રિલથી આ 4 રાશિના જાતકોનું બદલાશે ભાગ્ય, થશે ગુરૂની કૃપા
સૂર્ય અને ચંદ્ર રાહુ-કેતુના આ ભેદ જાણી ગયા હતા સૂર્ય-ચંદ્ર
સૂર્ય અને ચંદ્રદેવે ભગવાન વિષ્ણુને આખી વાત કહી, વિષ્ણુજી ગુસ્સે થઈ ગયા અને સ્વરભાનુનું સુરદર્શન ચક્રથી માથું કાપી નાખ્યું પરંતુ અમૃતના કેટલાક ટીપા સ્વરાભાનુના ગળામાં ઉતરી ગયા. જેના કારણે તેમનું શરીર બે ભાગમાં અમર થઈ ગયું. માથાના ભાગને રાહુ અને ધડને કેતુ કહેવામાં આવે છે. રાહુ-કેતુ તેમની વચ્ચેના તફાવતને કારણે સૂર્ય-ચંદ્ર સાથે દુશ્મનાવટ કરે છે અને બદલો લેવા માટે તેઓ સમયાંતરે ચંદ્ર અને સૂર્યનું સેવન (ગળી) કરે છે, ત્યારે જ ગ્રહણ થાય છે.
સૂર્ય ગ્રહણ પર રાહુલ-કેતુના ખરાબ પ્રભાવથી બચાવશે આ ઉપાય (Surya Grahan Upay)
ગ્રહણ પર રાહુ-કેતુનો મોટો પ્રભાવ રહે છે. તેનાથી થઈ રહેલા કામ બગડી જાય છે. તેના અશુભ પ્રભાવથી બચવા માટે સૂર્ય અને ચંદ્ર ગ્રહણના દિવસે, ઘઉં, ગોળ, તાંબુ, ચણા અને તલનું દાન કરવું જોઈએ. આ ઉપાય બંને પાપી ગ્રહોના ખરાબ પ્રભાવમાં ઘટાડો કરશે. સાથે સૂર્ય ગ્રહણના સમયે ભગવાન શિવ અને માતા કાલીની પૂજા કરવી જોઈએ. તેનાથી સમસ્ત નકારાત્મક શક્તિઓ અને ગ્રહ વિઘ્નનો નાશ થાય છે.
(Disclaimer: અહીં આપવામાં આવેલી જાણકારી સામાન્ય માન્યતાઓ પર આધારિત છે. ઝી 24 કલાક તેની પુષ્ટિ કરતું નથી)
લેટેસ્ટ ન્યૂઝથી અપડેટ રહેવા માટે અમારી Zee 24 Kalak App ડાઉનલોડ કરો, અમારી સાથે જોડાઓ : facebook | twitter | youtube