Vastu Tips: ઘરના મુખ્ય દરવાજા પર લગાવો આ ભગવાનની મૂર્તિ, સુ:ખ-સમૃદ્ધિનું થશે આગમન

Ganesh Pratima: ઘરમાં વાસ્તુશાસ્ત્રના નિયમોનું પાલન કરવાથી હંમેશા આશીર્વાદ રહે છે. હિંદુ ધર્મમાં ભગવાન ગણેશને રિદ્ધિ અને સિદ્ધિના દાતા માનવામાં આવે છે. તેમની પૂજા કરવાથી તેઓ ભક્તોની તમામ તકલીફો દૂર કરે છે, તેથી તેમને વિઘ્નહર્તા પણ કહેવામાં આવે છે. વાસ્તુશાસ્ત્રમાં ઘરનો મુખ્ય દરવાજો ખૂબ જ મહત્વપૂર્ણ છે, કારણ કે અહીંથી જ ઘરમાં નકારાત્મક અને સકારાત્મક ઉર્જાનો પ્રવેશ થાય છે. આવી સ્થિતિમાં ભગવાન ગણેશની મૂર્તિ ઘરના મુખ્ય દરવાજા પર રાખવી ખૂબ જ શુભ માનવામાં આવે છે. આમ કરવાથી સફળતાના દરવાજા ખુલવા લાગે છે અને પ્રગતિ શરૂ થાય છે. જો કે વાસ્તુ અનુસાર ગણપતિ બાપ્પાની મૂર્તિ મૂકતા પહેલા કેટલાક નિયમો જાણવા જરૂરી છે.

દિશા
જો ઘરનો મુખ્ય દરવાજો પૂર્વ કે પશ્ચિમ દિશામાં હોય તો આવા દરવાજા પર ગણેશની મૂર્તિ મૂકવી શુભ માનવામાં આવતી નથી. દરવાજો ઉત્તર કે દક્ષિણ તરફ હોય તો જ ગણેશજીની મૂર્તિ દરવાજા પર લગાવવી જોઈએ. ગણેશજીની સ્થાપના મુખ્ય દરવાજાની અંદર કરવી જોઈએ, જેથી પ્રતિમાનું મુખ અંદરની તરફ હોય. આ માટે ઉત્તર-પશ્ચિમ અને ઉત્તર-પૂર્વ દિશાઓ વધુ શુભ માનવામાં આવે છે.