Wimbledon 2021: એશ્લે બાર્ટી વિમ્બલ્ડનની નવી ચેમ્પિયન, પ્લિસકોવાને હરાવી જીત્યું ટાઇટલ
Ashleigh Barty Second Grand Slam Title: વિશ્વની નંબર-1 ખેલાડી એશ્લે બાર્ટી વિમ્બલ્ડનની નવી ક્વીન બની ગઈ છે. તેણે પ્લિસકોવાને હરાવી આ ટૂર્નામેન્ટ પ્રથમવાર જીતી છે.
લંડનઃ વિશ્વની નંબર વન ટેનિસ ખેલાડી એશ્લે બાર્ટી (Ashleigh Barty Win Wimbledon) એ ચેક ગણરાજ્યની કારોલિના પ્લિસકોવા (Ashleigh Barty beats Karolina Pliskova) ને હરાવી વિમ્બલ્ડનનું ટાઇટલ કબજે કર્યુ છે. તેણે 6-3, 6-7, 6-3 થી કારોલિનાને પરાજય આપ્યો છે. આ સાથે ઓસ્ટ્રેલિયાની એશ્લે બાર્ટી પ્રથમવાર વિમ્બલ્ડન ગ્રાન્ડસ્લેમમાં ચેમ્પિયન બની છે.
આ પહેલા પ્લિસકોવાએ સેમિફાઇનલમાં બેલારૂસની બીજી વરીયતા પ્રાપ્ત આર્યના સબાલેંકાને એક કલાક 35 મિનિટ સુધી ચાલેલા મુકાબલામાં 5-7, 6-4, 6-4 થી પરાજય આપ્યો હતો. તો એશ્લે બાર્ટીએ એન્જેલિક કર્બરને 6-3, 7-6 (3) થી પરાજય આપી ફાઇનલમાં પ્રવેશ કર્યો હતો.
Zee News App ડાઉનલોડ કરો, અમારી સાથે જોડાઓ : facebook | twitter | youtube