`બાબા કા ઢાબા`, દિલ્હી કેપિટલ્સે ટ્વીટ કરીને કહ્યું, `દિલ્હીવાસીઓનું હૃદય વિશાળ છે`

નવી દિલ્હીઃ સોશિયલ મીડિયા પર એક વૃદ્ધ દંપતીનો વીડિયો વાયરલ થઈ રહ્યો છે જે દિલ્હીના માલવીય નગર વિસ્તારમાં નાનું ઢાબુ ચલાવે છે. ઢાબાનનું નામ છે 'બાબા કા ઢાબા'. કોરોનાને કારણે ઘણા લોકોની જેમ તેમના બિઝનેસ પર પણ અસર પડી છે. 

કોરોનાને કારણે તેમનો વ્યાપાર ઠપ્પ થઈ ગયો હતો. તેના કારણે તેઓ પરેશાન હતા. જ્યારે એક વ્યક્તિએ તેમની સાથે વાત કરી તો તેઓ પોતાનું દુખ ન સંભાળી શક્યા અને રોવા લાગ્યા છે. આ વીડિયો સોશિયલ મીડિયા પર ખુબ ચર્ચામાં આવી ગયો. ત્યારબાદ ઘણી મોટી સેલિબ્રિટીએ તેમની મદદ કરવાનું આહ્વાન સોશિયલ મીડિયા પર કર્યું. આઈપીએલ ફ્રેન્ચાઈઝી દિલ્હી કેપિટલ્સે પણ બાબાના ઢાબાને સપોર્ટ કરવાની અપીલ દિલ્હીવાસીઓને કરી છે. 

દિલ્હી કેપિટલ્સે વીડિયોને રીટ્વીટ કરતા લખ્યુ- સમય મુશ્કેલ છે, પરંતુ 'દિલ્હીવાસીઓનું હૃદય એક ઉદાહરણ છે ને?'