IPL 2022 Schedule: IPL 2022નો કાર્યક્રમ જાહેર, પહેલી મેચ CSK-KKR વચ્ચે 26 માર્ચે રમાશે, જુઓ સંપૂર્ણ લિસ્ટ
IPLની મોટાભાગની મેચો સાંજે 7.30 વાગ્યે રમાશે, જ્યારે જે દિવસે બે મેચ હશે તે દિવસે પહેલી મેચ બપોરે 3.30 વાગ્યે અને બીજી મેચ સાંજે 7.30 વાગ્યે રમાશે. પ્લેઓફ મેચોનું શેડ્યૂલ હજુ જાહેર કરવામાં આવ્યું નથી, તે પછીથી જાહેર કરવામાં આવશે.
નવી દિલ્હી: આઈપીએલના રસિયાઓ માટે સૌથી મોટા સમાચાર સામે આવી રહ્યા છે. ઈન્ડિયન પ્રીમિયર લીગ 2022નું શેડ્યૂલ જાહેર કરી દેવામાં આવ્યું છે. ચેન્નાઈ સુપર કિંગ્સ અને કોલકાતા નાઈટ રાઈડર્સ (CSK Vs KKR) 26 માર્ચે પ્રથમ મેચમાં સામસામે ટકરાશે. પ્રથમ મેચ મુંબઈના વાનખેડે સ્ટેડિયમમાં જોવા મળશે, જે સાંજે 7.30 વાગ્યે શરૂ થશે.
IPL 2022 લીગની છેલ્લી મેચ વાનખેડે સ્ટેડિયમમાં 22 મેના રોજ સાંજે 7.30 કલાકે રમાશે. જેમાં સનરાઇઝર્સ હૈદરાબાદ અને પંજાબ કિંગ્સની ટીમો આમને-સામને થશે. આ વખતે કુલ 12 ડબલ હેડર મેચ જોવા મળશે, એટલે કે તે દિવસે જ્યારે એક જ દિવસમાં બે મેચ હશે.
Zee News App ડાઉનલોડ કરો, અમારી સાથે જોડાઓ : facebook | twitter | youtube