વિકેટકીપર સાહાને ધમકાવનાર પત્રકાર પર બીસીસીઆઈની કાર્યવાહી, લગાવ્યો બે વર્ષનો પ્રતિબંધ

નવી દિલ્હીઃ ભારતીય ક્રિકેટ કંટ્રોલ બોર્ડે ટીમ ઈન્ડિયાના વિકેટકીપર બેટર રિદ્ધિમાન સાહાને ધમકાવનાર પત્રકાર બોરિયા મજૂમદાર પર પગલાં ભર્યા છે. સ્પોર્ટ્સ જર્નાલિસ્ટ બોરિયા પર બીસીસીઆઈએ બે વર્ષનો પ્રતિબંધ લગાવી દીધો છે. મહત્વનું છે કે આ વિવાદની તપાસ કરવા માટે ક્રિકેટ બોર્ડે રાજીવ શુક્લા, પ્રભતેજ સિંહ ભાટિયા અને અરૂણ સિંહ ધૂમલની એક ત્રણ સભ્યોની સમિતિ બનાવી હતી. તપાસ બાદ આ પત્રકાર દોષી સાબિત થયો અને હવે તેના પર પ્રતિબંધ લગાવવામાં આવ્યો છે.