સિંધુએ આ રીતે કરી વર્લ્ડ ચેમ્પિયનશિપની તૈયારી, જુઓ Video

નવી દિલ્હીઃ વર્લ્ડ ચેમ્પિયન પીવી સિંધુનો એક વીડિયો સોશિયલ મીડિયા પર ખૂબ વાયરલ થી રહ્યો છે. આ વીડિયોને મહિન્દ્રા ગ્રુપના ચેરમેન આનંદ મહિન્દ્રાએ પણ શેર કર્યો છે અને તેમણે શેર કરતા લખ્યું કે, તેઓ આ વીડિયોને જોઈને થાકી ગયા. સિંધુએ રવિવારે વર્લ્ડ ચેમ્પિયનશિપમાં ગોલ્ડ મેડલ જીત્યો અને સ્વદેશ પરત ફર્યા બાદ મંગળવારે વડાપ્રધાન નરેન્દ્ર મોદી અને ખેલ પ્રધાન કિરણ રિજિજૂ સાથે મુલાકાત કરી હતી. આ વીડિયોમાં જોવા મળી રહ્યું છે કે સિંધુએ વર્લ્ડ ચેમ્પિયનશિપની તૈયારી કઈ રીતે કરી હતી. 

આનંદ મહિન્દ્રાએ આ વીડિયો શેર કરતા લખ્યું, 'Brutal. હું આ વીડિયોને જોઈ થાકી ગયો. પરંતુ હવે તેમાં કોઈ રહસ્ય રહી ગયું નથી કે સિંધુ વર્લ્ડ ચેમ્પિયન કેમ બની. ભારતના યુવા ખેલાડીઓ પણ હવે સિંધુના પગલા પર ચાલશે. સિંધુએ ફાઇનલમાં જાપાનની નોઝામી ઓકુહારાને એકતરફી મેચમાં હરાવીને ભારતને બેડમિન્ટન વર્લ્ડ ચેમ્પિયનશિપમાં પ્રથમ ગોલ્ડ મેડલ અપાવ્યો હતો.