CWG 2018 : મેહુલી અને અપૂર્વીએ 10 મીટર રાઇફલમાં ભારતને અપાવ્યો સિલ્વર અને બ્રોન્જ

ગોલ્ડ કોસ્ટ: કોમનવેલ્થ ગેમ્સમાં ભારતને મેડલ મળવાનો સિલસિલો યથાવત છે. ગેમ્સના પાંચમા દિવસે 10 મીટર એર રાઇફલની ફાઇનલમાં ભારતની મેહુલી ઘોષ અને અપૂર્વી ચંદેલાએ ભારતને સિલ્વર અને બ્રોન્જ મેડલ અપાવ્યો. ફાઇનલમાં મેહુલી અને સિંગાપુરની પ્રતિયોગી વચ્ચે ગોલ્ડ માટે રોમાંચક જંગ જોવા મળી. પરંતુ પોઇન્ટના અંતરથી પાછળ રહેતા મેહુલીને સિલ્વર મેડલથી સંતોષ માનવો પડ્યો. અપૂર્વી ચંદેલાને સ્પર્ધાનો કાંસ્ય પદક મળ્યો. 

ભારતની મહિલા નિશાનેબાજ મેહુલી ઘોષ અહીં ચાલેલા રાષ્ટ્રમંડળ રમતોમાં પાંચમા દિવસે સોમવારે શૂટ-ઓફમાં પાછળ રહેતાં મહિલાઓની 10 મીટર એર રાઇફલ સ્પર્ધાની ફાઇનલમાં ગોલ્ડ મેડલ ચૂકી ગઇ. મેહુલીને આ સ્પર્ધામાં રજત પદક પ્રાપ્ત થયો છે. તો બીજી તરફ ભારતની એક અન્ય નિશાનેબાજ અપૂર્વી ચંદેલાએ કાંસ્ય પદક પર કબજો જમાવ્યો. આ સ્પર્ધાનો ગોલ્ડ મેડલ સિંગાપુર માર્ટીના લિંડસે વેલોસોને મળ્યો. 

મેહુલી ઘોષે કુલ 413.7નો સ્કોર કર્યો. તેમણે પહેલાં રાઉન્ડમાં 104.3, બીજા રાઉન્ડમા6 103.7, ત્રીજામાં 102.2 અને ચોથામાં 103.4નો સ્કોર કર્યો.