ઓલરાઉન્ડર ડ્વેન બ્રાવોએ રચ્યો ઈતિહાસ, ટી20 ફોર્મેટમાં પૂરી કરી 500 વિકેટ

નવી દિલ્હીઃ વેસ્ટ ઈન્ડિઝના દિગ્ગજ ઓલરાઉન્ડર ડ્વેન બ્રાવોએ બુધવારે ઈતિહાસ રચી દીધો અને ટી20 ક્રિકેટમાં 500 વિકેટ ઝડપનાર પ્રથમ બોલર બની ગયો છે. બ્રાવોએ કેરેબિયન પ્રીમિયર લીગ (સીપીએલ)-2020મા ટ્રિનબાગો નાઇટ રાઇડર્સ માટે રમતા આ સિદ્ધિ હાસિલ કરી છે. 

તેણે સેન્ટ લૂસિયા જોક્સ વિરુદ્ધ ટી20 ક્રિકેટમાં 500 વિકેટ પૂરી કરી છે. બ્રાવોએ સેન્ટ લૂસિયા જોક્સના બેટ્સમેન રકહીમ કોર્નવોલને કોલિન મુનરોના હાથે ઈનિંગની ચોથી ઓવરમાં કેચ કરાવ્યો અને ટી20 ક્રિકેટમાં પોતાની 500મી વિકેટ ઝડપી હતી. 

36 વર્ષની ઉંમર છતાં બ્રાવો રમતના સૌથી નાના ફોર્મેટનો દિગ્ગજ ખેલાડી છે અને તેણે બેટ-બોલથી પોતાને સાબિત કર્યો છે. તે આઈપીએલ સહિત વિશ્વભરની ટી20 લીગમાં રમે છે. તે આ ફોર્મેટમાં 15થી વધુ ટીમો વિરુદ્ધ રમી ચુક્યો છે.