FIFA World Cup: વિશ્વકપ ફાઇનલમાં હાર છતાં ફ્રાન્સમાં ટીમનું નાયકો જેવું સ્વાગત, ચોંકી ગયા ખેલાડી

પેરિસઃ વિશ્વકપમાં અત્યાર સુધી સૌથી રોમાંચક ફાઇનલમાં હારવા છતાં ફ્રાન્સની ટીમ જ્યારે સ્વદેશ પહોંચી તો સેન્ટ્રલ પેરિસમાં હજારો સમર્થકોએ તેનું નાયકો જેવું સ્વાગત કર્યું હતું. કાઇલિયન એમ્બાપ્પે અને તેના સાથી સ્થાનીક સમયાનુસાર રાત્રે 8 કલાકે દોહાથી ચાર્લ્સ ડી ગોલ એરપોર્ટ પર ઉતર્યા હતા. ખેલાડી ઉદાસ થઈને વિમાનથી બહાર નિકળ્યા પરંતુ એરપોર્ટના કર્મચારીઓએ તેમનું 'થેંક યૂ' અને પેરિસ લવ યૂ જેવા સાઇન બોર્ડની સાથે સ્વાગત કર્યું હતું. 

ટીમે પરંતુ તેના પર ખાસ ધ્યાન આપ્યું નહીં. આર્જેન્ટીના સામે ફાઇનલમાં પેનલ્ટી શૂટઆઉટમાં હારવાને કારણે ખેલાડીઓના ચહેરા પર નિરાશા સ્પષ્ટ રીતે જોવા મળી રહી હતી. તે એરપોર્ટથી બસોમાં સવાર થઈને પ્લેસ ડે લા કોનકોર્ડ પહોંચ્યા જ્યાં હજારો સમર્થક તેની રાહ જોઈ રહ્યાં હતા. સમર્થકોનો ઉત્સાહ જોઈને ટીમનો ઉત્સાહ પણ પરત આવી ગયો હતો.