હરભજન સિંહે આ શું લોચો માર્યો? ખાલિસ્તાની આતંકીને ગણાવ્યો `શહીદ`, લોકો ભડક્યા

નવી દિલ્હી: ભારતીય ઓફ સ્પીનર હરભજન સિંહ હાલ સોશિયલ મીડિયા પર ખુબ જ ટ્રોલ થઈ રહ્યો છે. વાત જાણે એમ છે કે હરભજન સિંહે પોતાની ઈન્સ્ટાગ્રામ સ્ટોરીમાં ખાલિસ્તાની આતંકવાદી જરનૈલ સિંહ ભીંડરાવાલેને શહીદ ગણાવી દીધો. જેને લઈને લોકો ભડકી ગયા છે. 

હરભજન સિંહે ઈન્સ્ટાગ્રામ પર એક સ્ટોરી શેર કરી. જેમાં તેણે 1984માં સુવર્ણ મંદિરની અંદર થયેલા ઓપરેશન બ્લ્યૂ સ્ટાર દરમિયાન માર્યા ગયેલા ખાલિસ્તાની આતંકવાદી જરનૈલ ભીંડરાવાલેને 'શહીદ' ગણાવવાની કોશિશ કરી શ્રદ્ધાંજલિ આપી છે. અત્રે જણાવવાનું કે આ ઓપરેશન બ્લ્યૂ સ્ટારને એક જૂનથી 8 જૂન 1984 દરમિયાન અમૃતસરના સુવર્ણ મંદિરમાં અંજામ અપાયું હતું. ઈન્ડિયન આર્મી દ્વારા કરાયેલા એક મોટું મિશન હતું.