લાઇટ બિલ જોઈને હરભજન સિંહનો પરસેવો છૂટ્યો, કંપનીને પૂછ્યું- આખા પાડોશનું જોડી દીધું?

નવી દિલ્હીઃ ટીમ ઈન્ડિયાના સીનિયર ઓફ સ્પિનર હરભજન સિંહ (Harbhajan Singh) ભલે ક્રિકેટ મેદાન પર ખુદ 'દુસરા' ફેંકવામાં માહેર હોય. પરંતુ આ વખતે મુંબઈની વીજળી કંપનીએ તેને 'દુસરા' ફેંક્યો છે. હકીકતમાં ભજ્જી આ વખતે પોતાના મુંબઈના ઘરનું લાઇટ બિલ જોઈને ચોંકી ગયો છે. તેણે ટ્વીટર પર જણાવ્યું કે, આ સામાન્યથી 7 ગણું આવ્યું છે. 

લૉકડાઉન બાદથી મુંબઈ સહિત મહારાષ્ટ્રમાં વીજ ગ્રાહકોની ખુબ ફરિયાદો આવી રહી છે કે વીજળી કંપનીઓ અહીં પોતાના મન પ્રમાણે બિલ મોકલી રહી છે. ઘણી સેલિબ્રિટીઓએ પણ પોતાના બિલને લઈને સોશિયલ મીડિયા પર વીજ વિતરણ કંપનીઓ વિરુદ્ધ અવાજ ઉઠાવ્યો છે, જેમાં હવે હરભજન સિંહ પણ સામેલ થઈ ગયો છે. 

આ પોસ્ટ પ્રમાણે ભજ્જીનું 33,900 રૂપિયા બિલ છે. ભજ્જી તેને સાત ગણું વધુ જણાવી રહ્યો છે એટલે કે તેનું મહિનાનું બિલ આશરે 4500-5000 રૂપિયા વચ્ચે આવે છે.