ICCના આ નિર્ણયથી ટીમ ઇન્ડિયાને થયું નુકસાન, ઓસ્ટ્રેલિયાને ફાયદો

નવી દિલ્હી: કોવિડ-19 મહામારીને કારણે ટેસ્ટ ચેમ્પિયનશિપ (World Test Championship)માં ફેરફાર થવાની અટકળો ચાલી રહી છે પરંતુ હવે આઇસીસીએ બધુ સ્પષ્ટ કરી દીધું છે. આંતરાષ્ટ્રીય ક્રિકેટ કાઉન્સિલ (ICC)એ વર્લ્ડ ટેસ્ટ ચેમ્પિયનશિપ અંગે મોટો નિર્ણય આપ્યો છે.

આઇસીસી (ICC)એ વર્લ્ડ ટેસ્ટ ચેમ્પિયનશિપ (World Test Championship)ના પોઇન્ટ ટેબલના નિયમોમાં ફેરફાર કર્યા છે. જેના કારણે ટીમ ઇન્ડિયાને મોટું નુકસાન થયું છે.

આ પણ વાંચો:- ચીયર્સ લિડર્સને જોઈને કયા ક્રિકેટરનું ધ્યાન ભંગ થાય છે? રૈનાએ આપ્યો જવાબ

આઈસીસી (ICC)ના ફેરફાર કર્યા પહેલા ભારતીય ટીમ પ્રથમ નંબરે હતી પરંતુ હવે તે બીજા નંબર પર છે. તે જ સમયે, બીજા નંબરની ઓસ્ટ્રેલિયાની ટીમનો રેન્કિંગ હવે નંબર 1 બની ગયો છે. હકીકતમાં, આઇસીસીએ ટીમોની મેચોમાં જીતેલા પોઇન્ટની ટકાવારી કાઢી છે. જે સીરીઝ મહામારી દરમિયાન રમી શકી ન હતી, તેને ડ્રો માનવામાં આવી છે. આઇસીસીના આ નિયમથી ઓસ્ટ્રેલિયાને ફાયદો થયો છે.