દુબઈઃ બાંગ્લાદેશના કેપ્ટન શાકિબ અલ હસન અને શંકાસ્પદ ભારતીય બુકી દીપક અગ્રવાલ વચ્ચે વાતચીતનો ક્રમવાર સિલસિલો આ પ્રકારે છે જેને આંતરરાષ્ટ્રીય ક્રિકેટ પરિષદે જારી કર્યો હતો. આ સંપર્ક વિશે જાણકારી દેવામાં નિષ્ફળ રહેવા પર આઈસીસીએ શાકિબ પર બે વર્ષનો પ્રતિબંધ લગાવ્યો જેમાં એક વર્ષનું સસ્પેન્શન પણ સામેલ છે. 


COMMERCIAL BREAK
SCROLL TO CONTINUE READING

- જાન્યુઆરી 2018, શાકિબને બાંગ્લાદેશ, શ્રીલંકા અને ઝિમ્બાબ્વે વચ્ચેની ત્રિકોણીય સિરીઝ માટે બાંગ્લાદેશની ટીમ માટે પસંદ કરવામાં આવ્યો હતો. આ દરમિયાન તેના અને અગ્રવાલ વચ્ચે વોટ્સએપ પર વાત થઈ હતી. 


- 19 જાન્યુઆરી 2018, શાકિબને તે દિવસે મેચમાં મેન ઓફ ધ મેચ બનવા માટે અગ્રવાલે શુભેચ્છા આપતા વોટ્સએપ પર મેસેજ મોકલ્યો. અગ્રવાલે ત્યારબાદ મેસેજ કર્યો, 'શું આપણે આમા કામ કરી શકીએ કે હું આઈપીએલ સુધી રાહ જોવ.'


- આ સંદેશમાં 'કામ' કરવાના સંદર્ભ તેણે અગ્રવાલને આંતરિક સૂચના ઉપલબ્ધ કરાવવાનો હતો.


- શાકિબે અગ્રવાલ સાથે સંપર્કની જાણકારી એસીયૂ કે કોઈ અન્ય ભ્રષ્ટાચાર વિરોધી એજન્સીને ન આપી. 


- 23 જાન્યુઆરી 2018, શાકિબને અગ્રવાલનો વધુ એક વોટ્સએપ સંદેશ મળ્યો જેમાં અગ્રવાલે એકવાર ફરી તેની સાથે સંપર્ક કરીને અંદરની જાણકારીની માહિતી મેળવવા ઈચ્છી. તેમાં અગ્રવાલે લખ્યું, 'દોસ્ત આ સિરીઝમાં કંઇ થઈ શકે છે?'


- શાકિબે તેની ખાતરી કરી કે આ સંદેશ તેને હાલની ત્રિકોણીય સિરીઝના સંબંધમાં અંદરની સૂચના હાસિલ કરવાના આગ્રહની સાથે કરવામાં આવ્યો હતો. 


- 26 એપ્રિલ 2018, તે કિંગ્સ ઇલેવન પંજાબ વિરુદ્ધ આઈપીએલ મેચમાં સનરાઇઝર્સ હૈદરાબાદની ટીમ તરફથી રમ્યો. 


- તે દિવસે તેને અગ્રવાલનો વધુ એક વોટ્સએપ મેસેજ મળ્યો જેમાં તે દિવસે  ચોક્કસ ખેલાડીના રમવા વિશે પૂછવામાં આવ્યું, આ રીતે એકવાર ફરી અંદરની જાણકારી માગવામાં આવી. 


- અગ્રવાલે બિટક્વાઇન, ડોલર એકાઉન્ડ વિશે વાત કરીને આ ચર્ચાને ચાલું રાખી અને તેના ડોલર એકાઉન્ટની જાણકારી માગવામાં આવી. આ વાતચીત દરમિયાન તેણે અગ્રવાલને કહ્યું કે, પહેલા તે તેને મળવા ઈચ્છે છે. 


- 26 એપ્રિલ 2018ના આ સંદેશામાં ઘણા ડિલેટ કરેલા સંદેશા પણ સામેલ છે. શાકિબે ખાતરી કરી કે અગ્રવાલે આ ડિલીટ કરેલા સંદેશામાં અંદરની જાણકારી આપવાનો આગ્રહ કર્યો હતો. 


- તેણે કહ્યું કે, અગ્રવાલને લઈને તેની ચિંતાઓ હતી, લાગતું હતું કે, તે 'ચીટર' છે. ત્યારબાદ થયેલી વાતચીતમાં તેને અનુભવ થયો કે તે સટ્ટાબાજ છે. 


- 26 એપ્રિલ 2018ના અગ્રવાલ સાથે સંપર્ક કરવાની જાણકારી તેણે એસીયૂ કે કોઈ અન્ય ભ્રષ્ટાચાર વિરોધી અધિકારીને ન આપી. 


- શાકિબે એસીયૂને જણાવ્યું કે, અગ્રવાલના કોઈપણ આગ્રહનો સ્વીકાર કર્યો નથી અને ન કોઈ જાણકારી આપવામાં આવી, તેને કોઈ સૂચના ઉપલબ્ધ કરાવવામાં આવી નથી જેનો તેણે આગ્રહ કર્યો હતો અને ન તો અગ્રવાલ પાસે કોઈ પૈસા કે કોઈ ઇનામ લીધું છે. પરંતુ આ દરમિયાન તેણે ક્યારેય આ સંપર્ક વિશે એસીયૂ કે કોઈ અન્ય સંબંધિત અધિકારીને કોઈ જાણકારી આપી નથી.