જો 2021માં ન રમાઇ તો રદ્દ થશે ઓલિમ્પિક ગેમ્સઃ સીનિયર આઈઓસી અધિકારી

બ્રસેલ્સઃ આંતરરાષ્ટ્રીય ઓલિમ્પિક સમિતિ (આઈઓસી) સાથે જોડાયેલા એક વરિષ્ઠ અધિકારીએ કહ્યું કે, ટોક્યો ઓલિમ્પિક જો 2021માં નક્કી કરેલી તારીખ પર ન યોજાઇ તો તેને રદ્દ કરવામાં આવશે. આઈઓસીની કો-આર્ડિનેશન કમિટીના ચેરમેન પિએરે ઓલિવર બેકર્સ-વિયુજાંટ ઓલિવરે કહ્યુ કે, આ વાતને લઈને આશાવાદી છે કે રમત આગામી વર્ષે 23 જુલાઈએ શરૂ થઈ જશે. 

ઓલિવરે સાથે કહ્યુ કે, આ સ્તરની ટૂર્નામેન્ટને એકવાર વધુ સ્થગિત કરવી અસંભવ છે. તેમણે બેલ્જિયમના અખબાર એલ-એવેનીરને કહ્યુ, આજે દરેક તે વાતને લઈને આશાવાદી છે કે, રમત 2021માં થઈ શકશે બાકી નહીં થાય. 

તેમણે કહ્યુ, આ પ્રકારના પ્રોજેક્ટને વારંવાર સ્થગિત કરવા મુશ્કેલ છે કારણ કે તેમાં ઘણા પૈસાનો ખર્ચ થાય છે અને હજારો લોકો જોડાયેલા હોય છે. આ વાતને આઈઓસી અધ્યક્ષ થોમસ બાક પણ પહેલા કરી ચુક્યા છે કે ઓલિમ્પિક 2021માં 23 જુલાઈથી 8 ઓગસ્ટ વચ્ચે ન યોજાઇ તો પછી તેના આયોજનને લઈને કોઈ બીજો પ્લાન નથી.