ચૂર ચૂર કરી દઈશું ઘમંડ! યશસ્વીને આંખો દેખાડનારા અંગ્રેજોને રોહિત-શુભમને બરાબર પાઠ ભણાવ્યો

ભારતીય ટીમના કેપ્ટન રોહિત શર્મા હાલ ગજબના ફોર્મમાં છે. તેમણે ઈંગ્લેન્ડ વિરુદ્ધ 5 ટેસ્ટ મેચની સિરીઝમાં ગજબનું ફોર્મ દેખાડતા બીજી અને ટેસ્ટ કરિયરની 12મી સદી ફટકારી. સ્પિન ફ્રેન્ડલી પીચ પર જ્યાં અંગ્રેજો પહેલી ઈનિંગમાં 218 રન પર પેવેલિયન ભેગા થઈ ગયા ત્યાં હિટમેને આગળ આવીને મોરચો સંભાળ્યો અને ટીમ ઈન્ડિયાને ડ્રાઈવિંગ સીટ પર બેસાડી દીધી. તેમણે 154 રનમાં 13 ચોગ્ગા   અને 3 છગ્ગા સાથે સદી પૂરી કરી. 

સિરીઝની બીજી સદી
રોહિત શર્માએ યશસ્વી જયસ્વાલને આઉટ થયા બાદ આંખો દેખાડનારા ઈંગ્લિશ બોલરોને પણ જબરદસ્ત ધોયા. તેમને સાથ આપ્યો શુભમન ગિલે. શુભમન ગિલે પણ સદી ફટકારી. જો કે શુભમન ગિલ 12 ચોગ્ગા અને 5 છગ્ગા સાથે 150 બોલમાં 110 રન કરીને જેમ્સ એન્ડરસનની બોલિંગમાં આઉટ થયો. જ્યારે રોહિત શર્મા પણ 103 રન કરીને બેન સ્ટોક્સની બોલિંગમાં આઉટ થયો. ભારતે 70 રન ઉપર લીડ મેળવી લીધી છે અને હજુ સાત વિકેટ હાથમાં છે. રોહિત શર્માએ રાજકોટ ટેસ્ટની પહેલી ઈનિંગમાં પણ 131 રનની મહત્વની ઈનિંગ રમી હતી. તેમની આ સિરીઝની બીજી સદી છે. અને 400 રન પૂરા થયા છે.