IND-PAK મેચ માટે ભારતની Playing-11 નક્કી, જોણે કોની થશે ENTRY કોણ થશે EXIT!

Asia Cup 2023, IND vs PAK Playing 11 : ભારતીય ટીમ એશિયા કપ-2023ની સુપર-4 મેચમાં આજે એટલે કે 10 સપ્ટેમ્બરે પાકિસ્તાન સામે ટકરાશે. આ મેચ માટે તમામ તૈયારીઓ કરી લેવામાં આવી છે. વરસાદ અને ખરાબ હવામાનના જોખમને ધ્યાનમાં રાખીને મેચ માટે રિઝર્વ ડે પણ રાખવામાં આવ્યો છે. દરમિયાન પાકિસ્તાને તેના પ્લેઈંગ-11ની જાહેરાત કરી હતી. આ સાથે જ ભારતની પ્લેઈંગ-11ને લઈને ચિત્ર સ્પષ્ટ થઈ ગયું છે.

આ 2 ખેલાડીઓની વાપસી
પાકિસ્તાન સામેની સુપર-4 મેચમાં ભારતીય ટીમમાં બે મહાન ખેલાડીઓની વાપસી નિશ્ચિત છે. પહેલું નામ ફાસ્ટ બોલર જસપ્રિત બુમરાહનું છે. બુમરાહ તેના પહેલા પુત્રના જન્મ માટે ઘરે પરત ફર્યો હતો. તે પાકિસ્તાન સામેની ગ્રુપ મેચનો ભાગ હતો પરંતુ નેપાળ સામેની મેચ રમ્યો ન હતો. બીજું નામ કેએલ રાહુલનું છે. રાહુલ ઈજા અને રિહેબિલિટેશનના કારણે ટીમની બહાર હતો. હવે પ્લેઇંગ-11માં તેનું સ્થાન પાક્કું જણાય છે.

પ્લેઈંગ-11માંથી બહાર થઈ જશે આ મજબૂત ખેલાડી
બુમરાહની વાપસી સાથે શાર્દુલ ઠાકુર અને મોહમ્મદ શમીમાંથી એકની પસંદગી થશે. પેસ ત્રિપુટી તરીકે બુમરાહ, મોહમ્મદ સિરાજ અને શમી અથવા શાર્દુલનું સ્થાન નિશ્ચિત છે. સાથે જ રાહુલના વાપસી બાદ ઈશાન કિશનને ટીમમાંથી બહાર કરવામાં આવી શકે છે. રાહુલે વિકેટકીપિંગ પ્રેક્ટિસ પણ કરી છે. આવી સ્થિતિમાં, તે સ્પષ્ટ છે કે તે પાકિસ્તાન સામે વિકેટકીપરની જવાબદારી પણ સંભાળશે.

ભારત સામેની મેચ માટે પાકિસ્તાનની પ્લેઈંગ ઈલેવન: બાબર આઝમ (કેપ્ટન), ઈમામ ઉલ હક, ફખર ઝમાન, મોહમ્મદ રિઝવાન (વિકેટકીપર), ઈફ્તિખાર અહેમદ, સલમાન અલી આગા, શાદાબ ખાન, ફહીમ અશરફ, શાહીન શાહ આફ્રિદી, હરિસ રઉફ અને નસીમ શાહ .

ભારતની સંભવિત પ્લેઈંગ-11 - રોહિત શર્મા (કેપ્ટન), શુભમન ગિલ, વિરાટ કોહલી, શ્રેયસ ઐયર, કેએલ રાહુલ (વિકેટકીપર), હાર્દિક પંડ્યા, રવિન્દ્ર જાડેજા, કુલદીપ યાદવ, જસપ્રિત બુમરાહ, મોહમ્મદ શમી અને મોહમ્મદ સિરાજ.