IND vs AUS: ચેતેશ્વર પૂજારા બોલ્યો- ઓસ્ટ્રેલિયા વિરુદ્ધ ટેસ્ટ મેચ માટે અમારી બોલિંગ મજબૂત

એડિલેડઃ ભારતીય ક્રિકેટ ટીમના અનુભવી ટેસ્ટ બેટ્સમેન ચેતેશ્વર પૂજારાને ખાતરી છે કે ઓસ્ટ્રેલિયા વિરુદ્ધ પ્રથમ ટેસ્ટ મેચ માટે ટીમની બોલિંગ સંપૂર્ણ રીતે તૈયાર છે. વેબસાઇટ ઈએસપીએનના રિપોર્ટ અનુસાર ઓસ્ટ્રેલિયા અને ભારત વચ્ચે ચાર ટેસ્ટ મેચોની સિરીઝ છ ડિસેમ્બરથી થઈ રહી છે. 

ક્રિકેટ ઓસ્ટ્રેલિયા ઇલેવને ચાર મેચોની ટેસ્ટ સિરીઝ પહેલા રમાયેલા અભ્યાસ મેચમાં ભારતીય ટીમ વિરુદ્ધ પ્રથમ ઈનિંગમાં 544 રન ફટકારી દીધા હતા. તેવામાં ભારતીય બોલિંગ પર ઉઠેલા સવાલો પર પૂજારાએ કહ્યું કે, તે ટેસ્ટ મેચ ન હતો અને તેથી ટીમ તેને લઈને ચિંતામાં નથી. 

ઓસ્ટ્રેલિયા વિરુદ્ધ છ ડિસેમ્બરથી શરૂ થઈ રહેલા ટેસ્ટ મેચ પહેલા પૂજારાએ કહ્યું, તે ટેસ્ટ મેચ ન હતી અને તેથી અમે તેને લઈને ચિંતામાં નથી. અમારા બોલર જાણે છે, તેને શું કરવાનું છે. હું તેમની યોજના વિશે જણાવી શકું નથી, પરંતુ તે ઓસ્ટ્રેલિયામાં બોલિંગની પરિસ્થિતિઓથી અજાણ નથી. ઘણા ખેલાડીઓએ 2014-15ની સિઝન અહીં રમી છે અને તેવામાં અમને અમારા બોલરો પર વિશ્વાસ છે. 

ઓસ્ટ્રેલિયામાં પોતાના પ્રદર્શનને લઈને અનુભવી બેટ્મસેને કહ્યું કે, હું કોઈપણ પ્રકારની ચિંતા કરી રહ્યો નથી. તેણે કહ્યું, મેં 2015મા અહીં સિરીઝ રમી છે. આ વખતે હું આત્મવિશ્વાસથી ભરેલો છું. બેટિંગને લઈને મારે જે ફેરફાર કરવાના છે તેના પર કામ કરી રહ્યો છું.