CWG 2022: બોક્સર નીતૂ ઘાંઘસને ગોલ્ડ, મહિલા હોકી ટીમે જીત્યો બ્રોન્ઝ મેડલ

બર્મિંઘમઃ ભારતીય મહિલા હોકી ટીમે કોમનવેલ્થ ગેમ્સમાં ન્યૂઝીલેન્ડને હરાવી બ્રોન્ઝ મેડલ કબજે કર્યો છે. ભારતીય મહિલા ટીમે ન્યૂઝીલેન્ડને પેનલ્ટી શૂટઆઉટમાં 2-1થી હરાવી બ્રોન્ઝ મેડલ કબજે કર્યો છે. રેગ્યુલર સમયમાં મેચ 1-1થી બરોબરી પર રહી હતી. આ સાથે ભારતને બોક્સિંગમાં ગોલ્ડ મેડલ મળ્યો છે. ભારતની સ્ટાર બોક્સર નીતૂ ઘાંઘસે ઈંગ્લેન્ડની મહિલા બોક્સરને હરાવી ગોલ્ડ મેડલ કબજે કર્યો છે. 

કોમનવેલ્થ ગેમ્સમાં અત્યાર સુધી મહિલા હોકી ટીમનો ત્રીજો મેડલ
ભારતીય મહિલા હોકી ટીમે કોમનવેલ્થ ગેમ્સમાં 2006 બાદ મેડલ મેળવ્યો છે. ભારતીય ટીમે છેલ્લે 2006 મેલબોર્ન કોમનવેલ્થ ગેમ્સમાં સિલ્વર મેડલ કબજે કર્યો હતો. આ પહેલા 2002 એશિયન ગેમ્સમાં ભારતીય મહિલા હોકી ટીમે ગોલ્ડ મેડલ કબજે કર્યો હતો. એટલે કે 2006 બાદ કોમનવેલ્થમાં ભારતીય મહિલા હોકી ટીમ મેડલ મેળવવામાં સફળ રહી છે.