બેડમિન્ટન પ્લેયર જ્વાલા ગુડ્ડાએ બર્થડે પર કરી બોયફ્રેન્ડ વિષ્ણુ સાથે સગાઈ

નવી દિલ્હીઃ ફિલ્મ અભિનેતા વિષ્ણુ વિશાલ અને બેડમિન્ટન પ્લેયર જ્વાલા ગુટ્ટાએ સગાઈ કરી લીધી છે. જ્વાલાએ પોતાના જન્મદિવસના દિવસે પોતાના બોયફ્રેન્ડ વિશાલ સાથે સગાઈ કરી છે. બંન્નેએ પોતાના સોશિયલ મીડિયા પર આ માહિતી શેર કરી છે. મહત્વનું છે કે જ્વાલા ગુટ્ટા આજે એટલે કે 7 સપ્ટેમ્બર 2020ના દિવસે પોતાનો 37મો જન્મદિવસ મનાવી રહી છે. 

બર્થડે પર સરપ્રાઇઝ આપવા પહોંચ્યો હતો વિશાલ
અભિનેતા વિષ્ણુ વિશાલ પોતાની ગર્લફ્રેન્ડ જ્વાલાને બર્થડે પર સરપ્રાઇઝ આપવા હૈદરાબાદ પહોંચ્યો હતો. આ ક્ષણને ખાસ બનાવતા તેણે સગાઈની રીંગ પહેરાવી દીધી. પછી સોશિયલ મીડિયા પર તસવીરો શેર કરીને ફેન્સને ખુશખબર આપી છે. 

શેર કરી એન્ગેજમેન્ટ રિંગ
સોશિયલ મીડિયા પર જ્વાલા ગુટ્ટાએ પણ એન્ગેજમેન્ટ રિંગ શેર કરી છે. વિષ્ણુએ જણાવ્યું કે, રાતમાં તેણે રિંગ મંગાવી અને ગર્લફ્રેન્ડ જ્વાલાને પહેરાવવાનો નિર્ણય કર્યો હતો.