IPL 2020: શ્રેયસ અય્યરે ઉતારી આ સ્ટાર ખેલાડીની નકલ, જુઓ વીડિયો

નવી દિલ્હીઃ આઈપીએલ (IPL 2020)મા દિલ્હીની ટીમ દમદાર પ્રદર્શન કરી રહી છે. ટીમે પોતાની પહેલી બે મેચમાં બે જીત મેળવી છે. તો પોઈન્ટ ટેબલમાં પણ દિલ્હીની ટીમ પ્રથમ સ્થાને છે. દિલ્હીના બેટ્સમેન તથા બોલરો ટૂર્નામેન્ટમાં શાનદાર પ્રદર્શન કરી રહ્યાં છે. 

આ વચ્ચે દિલ્હી કેપિટલ્સના યુવા કેપ્ટન શ્રેયસ અય્યર  (Shreyas Iyer)એ પોતાના ટ્વિટર પર એક વીડિયો શેર કર્યો છે. આ વીડિયોમાં શ્રેયસ પોતાની ટીમના એક ખેલાડીની નકલ ઉતારી રહ્યો છે. વેસ્ટ ઈન્ડિઝના બેટ્સમેન સિમરન હેટમાયર (Shimron Hetmyer) કોઈ સાથે વાત કરી રહ્યો છે આ વચ્ચે અય્યર તેની પાછળ ઉભો રહી જાય છે અને તેની નકલ ઉતારવા લાગે છે. શ્રેયસે આ વીડિયોમાં કેપ્શન લખ્યુ છે ‘Hetty! Always got your back bro’.

મહત્વનું છે કે અબુધાબીમાં આજે દિલ્હી અને હૈદરાબાદની ટીમ આમને-સામને છે. જેમાં દિલ્હીએ ટોસ જીતીને પ્રથમ ફીલ્ડિંગ પસંદ કરી છે.