જસપ્રીત બુમરાહે વિશ્વ કપ 2019મા બનાવ્યો અનોખો રેકોર્ડ, તમામ બોલરોને છોડ્યા પાછળ

નવી દિલ્હીઃ ટીમ ઈન્ડિયાના ફાસ્ટ બોલર જસપ્રીત બુમરાહ વિશ્વ કપ-2019મા ધમાકેદાર પ્રદર્શન કરી રહ્યો છે. જસપ્રીત બુમરાહે ન્યૂઝીલેન્ડ વિરુદ્ધ વિશ્વ કપ 2019ની પ્રથમ સેમિફાઇનલમાં પહેલી ઓવર ફેંકવાની સાથે વિશ્વકપમાં એક અનોખો રેકોર્ડ પોતાના નામે કરી લીધો છે. 

જસપ્રીત બુમરાહ આ વિશ્વકપમાં સૌથી વધુ મેડન ઓવર ફેંકનાર વિશ્વનો પ્રથમ બોલર બની ગયો છે. જસપ્રીત બુમરાહે ન્યૂઝીલેન્ડ વિરુદ્ધ પોતાના પ્રથમ સ્પેલની પ્રથમ ઓવર મેડન ફેંકી હતી. આ સાથે વિશ્વ કપ 2019ની 9મી મેચમાં બુમરાહે 9 ઓવર મેડન ફેંકવાનો રેકોર્ડ બનાવી લીધો છે. આ મામલામાં જોફ્રા આર્ચર બીજા નંબર પર છે. 

ઈંગ્લેન્ડના ફાસ્ટ બોલર જોફ્રા આર્ચરે વિશ્વ કપની 9 મેચોમાં 8 ઓવર મેડન ફેંકી છે. મહત્વનું છે કે જસપ્રીત બુમરાહ અને જોફ્રા આર્ચર માટે આ પર્દાપણ વિશ્વ કપ છે. ચોંકાવનારી વાત છે કે ટીમ ઈન્ડિયા માટે આ વિશ્વકપમાં ભારતીય બોલરોએ કુલ 15 ઓવર (ન્યૂઝીલેન્ડ વિરુદ્ધ બે ઓવર સમાપ્ત સુધી) મેડન ફેંકી છે, જેમાં 9 ઓવર જસપ્રીત બુમરાહની સામેલ છે. 

વિશ્વ કપમાં સૌથી વધુ મેડન ઓવર ફેંકનાર બોલર
9 ઓવર - જસપ્રીત બુમરાહ

8 ઓવર - જોફ્રા આર્ચર

6 ઓવર - પેટ કમિન્સ અને ક્રિસ વોક્સ

5 ઓવર - મોહમ્મદ આમિર, ક્રિસ મોરિસ, મિશેલ સ્ટાર્ક 

જસપ્રીત બુમરાહે 9 ઓવર મેડન ફેંકી છે. તો ભારતના બાકી બોલરોએ માત્ર મળીને 6 ઓવર મેડન ફેંકી છે. જસપ્રીત બુમરાહે આ વિશ્વ કપમાં ન્યૂઝીલેન્ડ વિરુદ્ધ પ્રથમ વિકેટ લીધા બાદ 18 વિકેટ પોતાના નામે કરી લીધી છે.