સદી પર સદી! 13 ઈનિંગ.. 1000 રન, આંતરરાષ્ટ્રીય ક્રિકેટમાં આવ્યો બીજો બ્રેડમેન, બેટથી મચાવી રહ્યો છે ધમાલ
બીજા બ્રેડમેને આંતરરાષ્ટ્રીય ક્રિકેટમાં પ્રવેશ કર્યો છે. 25 વર્ષનો આ બેટર સદી પછી સદી ફટકારી રહ્યો છે અને રેકોર્ડ્સ એક પછી એક રેકોર્ડ બનાવી રહ્યો છે. તમને જાણીને નવાઈ લાગશે કે અત્યાર સુધી આ યુવા બેટ્સમેને માત્ર 8 ટેસ્ટ મેચ રમી છે અને તેની સિદ્ધિઓ એવી છે કે તેનું નામ મહાન ખેલાડીઓની યાદીમાં જોડાઈ ગયું છે.
ગોલઃ શ્રીલંકાના યુવા બેટર કામિન્દુ મેન્ડિસે શુક્રવારે ન્યૂઝીલેન્ડ સામે ગાલેમાં ચાલી રહેલી બીજી ટેસ્ટ દરમિયાન ઈતિહાસ રચ્યો હતો. તે સૌથી ઝડપી 1000 ટેસ્ટ રન બનાવનાર એશિયન બેટ્સમેન બની ગયો છે. તેણે સૌથી ઝડપી 1000 ટેસ્ટ રન બનાવનાર બેટરોની યાદીમાં ડોન બ્રેડમેન સાથે સંયુક્ત રીતે બીજા ક્રમે છે.
મેન્ડિસે તેની 13મી ટેસ્ટ ઇનિંગ્સમાં આ સિદ્ધિ હાંસલ કરી હતી અને ભૂતપૂર્વ ભારતીય બેટ્સમેન વિનોદ કાંબલીના 14 ઇનિંગ્સમાં આ સિદ્ધિ હાંસલ કરવાના એશિયન રેકોર્ડને તોડી નાખ્યો હતો. મેન્ડિસે 1000 ટેસ્ટ રન બનાવનાર બીજા સૌથી ઝડપી બેટ્સમેન તરીકે ડોન બ્રેડમેનની પણ બરાબરી કરી હતી. તે આ યાદીમાં માત્ર એવર્ટન વીક્સ અને હર્બર્ટ સટક્લિફથી પાછળ હતો, જેમણે 12 ઇનિંગ્સમાં આ સિદ્ધિ મેળવી હતી. તમને જણાવી દઈએ કે કામિન્દુએ ન્યૂઝીલેન્ડ વિરૂદ્ધ 16 ચોગ્ગા અને 4 છગ્ગાની મદદથી 182 રનની અણનમ ઇનિંગ રમી હતી.
સૌથી ઝડપી 1000 રન બનાવનાર બેટ્સમેન
હર્બર્ટ સટક્લિફ (ઇંગ્લેન્ડ) – 12 ઇનિંગ્સ
એવર્ટન વીક્સ (વેસ્ટ ઈન્ડિઝ) – 12 ઇનિંગ્સ
કામિન્દુ મેન્ડિસ (શ્રીલંકા)-13 ઇનિંગ્સ
ડોન બ્રેડમેન (ઓસ્ટ્રેલિયા) – 13 ઇનિંગ્સ
રોબર્ટ હાર્વે (ઓસ્ટ્રેલિયા) – 14 ઇનિંગ્સ
આ પણ વાંચોઃ 7 કલાકમાં 58 KM ચલાવી સાયકલ, વિરાટની બેટિંગ જોવા પહોંચ્યો 15 વર્ષનો છોકરો
કામિન્ડુ મેન્ડિસ બન્યો સૌથી ઝડપી 5 ટેસ્ટ સદી ફટકારનાર ત્રીજો બેટર
આ સિવાય મેન્ડિસે વધુ એક રેકોર્ડ બનાવ્યો છે. તે ટેસ્ટ ક્રિકેટના ઈતિહાસમાં સૌથી ઝડપી 5 સદી ફટકારનાર એશિયન બેટર બની ગયો છે. 25 વર્ષના ડાબા હાથના બેટરે આઢમી ટેસ્ટની 13મી ઈનિંગમાં પાંચમી ટેસ્ટ સદી ફટકારી છે.
મેન્ડિસ પાંચ ટેસ્ટ સદી ફટકારનાર ત્રીજો સૌથી ઝડપી બેટર બની ગયો છે. આ રેકોર્ડ વેસ્ટ ઈન્ડિઝના બેટર એવર્ટન વીકના નામે છે, જેણે 10મી ઈનિંગમાં આ સિદ્ધિ મેળવી હતી. ઈંગ્લેન્ડના હર્બર્ટ સુટક્લિફ અને ઓસ્ટ્રેલિયાના રોબર્ટ હાર્વેએ 12મી ઈનિંગમાં પોતાની પાંચમી ટેસ્ટ સદી ફટકારી હતી. દિગ્ગજ ઓસ્ટ્રેલિયન ક્રિકેટર ડોન બ્રેડમેન અને વેસ્ટ ઈન્ડિઝના જોર્જ હેડલીએ 13મી ઈનિંગમાં પાંચમી ટેસ્ટ સદી ફટકારી હતી. આ દિગ્ગજોની સાથે હવે મેન્ડિસનું નામ સામેલ થઈ ગયું છે.