કેકેઆરનો આ મિસ્ટ્રી સ્પિનર લગ્નના બંધનમાં બંધાયો, સ્ટેજ પર ક્રિકેટ રમ્યા પતિ-પત્ની

નવી દિલ્હીઃ આઈપીએલ-13મા શાનદાર પ્રદર્શનથી બધાને પ્રભાવિત કરનાર 'મિસ્ટ્રી સ્પિનર' વરૂણ ચક્રવર્તીએ શનિવારે પોતાની ગર્લફ્રેન્ડ નેહા ખેડેકરની સાથે લગ્ન કરી લીધા છે. કોરોના વાયરસને કારણે પહેલા તેના લગ્નને ટાળી દેવામાં આવ્યા હતા. 

આઈપીએલમાં કોલકત્તા નાઇટરાઇડર્સનું પ્રતિનિધિત્વ કરનાર વરૂણને તેની ટીમે શુભેચ્છા આપી છે.કોલકત્તા ટીમે વરૂણ અને નેહાની તસવીરો પણ શેર કરી છે. 

વરૂણે આ વર્ષે કોલકત્તાની ટીમ તરફથી 13 મેચ રમી અને 17 વિકેટ ઝડપી હતી. તે એકમાત્ર એવો ભારતીય બોલર છે જેણે પાછલી સીઝનમાં પાંચ વિકેટ ઝડપી હતી.