શાહરૂખ ખાનની હેલ્થ અંગે મોટા અપડેટ : તબિયત સુધારા પર હોવાથી હોસ્પિટલમાંથી રજા અપાશે

Shah Rukh Khan Admitted To Ahmedabad Hospital : આઈપીએલની મેચ દરમિયાન અમદાવાદમાં આવેલ બોલિવુડના સુપરસ્ટાર શાહરૂખ ખાનની અચાનક તબિયત લથડી હતી. જેને કારણે તેમને અમદાવાદની કેડી હોસ્પિટલમાં દાખલ કરવામાં આવ્યા છે. ગરમી લૂ લાગવાથી સુપરસ્ટારની તબિયત બગડી હતી અને તે ડિહાઇડ્રેશનનો શિકાર બન્યો હતો. ત્યારે ગુરુવારે સવારે હાલ શાહરૂખ ખાનની તબિયત અંગે લેટેસ્ટ અપડેટ આવ્યા છે. શાહરુખ ખાનની તબિયત હાલ સારી હોવાનું જાણવા મળ્યું છે. ડોક્ટરોએ આજે ફરી ચેકઅપ કર્યું હતું. શાહરૂખ ખાનને 11 વાગ્યા આસપાસ ડિસ્ચાર્જ કરવામાં આવી શકે છે. હોસ્પિટલથી સીધા જ એરપોર્ટ ચાર્ટડ પ્લેનમાં મુંબઈ જવા રવાના થશે.