બોક્સિંગ ટ્રાયલ્સઃ મેરીએ ન મિલાવ્યો નિકહત સાથે હાથ, કહ્યું- આવા લોકો પસંદ નથી

નવી દિલ્હીઃ ભારતની ચેમ્પિયન મહિલા બોક્સર એમસી મેરી કોમે શિવારે ટોક્યો ઓલિમ્પિક ક્વોલિફાયર મુકાબલા માટે થયેલી ટ્રાયલ્સમાં જીત મેળવી હતી. મેરીએ તેને ચેલેન્જ કરનારી બોક્સર નિકહત ઝરીનને 9-1ના મોટા અંતરથી પરાજય આપ્યો હતો. મેચ બાદ છ વખતની વર્લ્ડ ચેમ્પિયન ખુબ ગુસ્સામાં જોવા મળી હતી. તેણે મેચ પૂરી થયા બાદ નિકહત સાથે હાથ પણ ન મિલાવ્યો. 

શનિવારનો દિવસ મહિલા બોક્સિંગ માટે ખુબ મહત્વનો માનવામાં આવી રહ્યો હતો. 51 કિલોગ્રામ ભારવર્ગમાં ઓલિંમ્પિક ક્વોલિફાયરમાં રમનારી મેરી કોમની ટક્કર નિકહત ઝરીન સામે થવાની હતી. નિકહતે મેરીને આ મેચ માટે ચેલેન્જ આપી અને તે માટે ખેલ મંત્રાલયની સાથે-સાથે ભારતીય બોક્સિંગ એસોસિએશનને પત્ર લખ્યો હતો.