રાંચીમાં ક્રિકેટ નહીં, ટેનિસ રમતો જોવા મળ્યો ધોની, વીડિયો વાયરલ

નવી દિલ્હીઃ ભારતીય ક્રિકેટ ટીમના પૂર્વ કેપ્ટન એમએસ ધોની રાંચીમાં ઝારખંડ સ્ટેટ ક્રિકેટ એસોસિએશન કોમ્પલેક્સમાં ટેનિસ ટૂર્નામેન્ટમાં ભાગ લેતા જોવા મળ્યા હતા. આ વર્ષે જુલાઇમાં ઈંગ્લેન્ડ અને વેલ્સમાં રમાયેલા વિશ્વ કપ બાદ ધોનીએ ક્રિકેટથી બ્રેક લીધો છે. 

ટેનિસ ટૂર્નામેન્ટમાં રમતા તેનો ફોટો લેવામાં આવ્યો, જે સોશિયલ મીડિયા પર રવિવારે વાયરલ થયો હતો. ફોટોને સૌથી પહેલા એક ફેને શેર કર્યો હતો. ત્યારબાદ ઈન્ડિયન પ્રીમિયર લીગ (આઈપીએલ)ની ટીમ ચેન્નઈ સુપર કિંગ્સે તે ફોટોને ટ્વીટ કર્યો હતો. એક ફેને તેનો વીડિયો પણ ટ્વીટર પર અપલોડ કર્યો છે.