ન્યૂઝીલેન્ડે ક્રિકેટે રિટાયર કરી ડેનિયલ વિટોરીની જર્સી

વેલિંગ્ટનઃ ન્યૂઝીલેન્ડ ક્રિકેટ (એનઝેડસી)એ સોમવારે પોતાના પૂર્વ કેપ્ટન અને ડાબા હાથના દિગ્ગજ સ્પિનર ડેનિયલ વિટોરીની 11 નંબરની જર્સી રિટાયર કરી દીધી છે. એનઝેડસીએ શ્રીલંકા વિરુદ્ધ શરૂ થઈ રહેલી ટેસ્ટ મેચ પહેલા પોતાના ખેલાડીઓની જર્સીની જાહેરાત કરી હતી. આ તકે તેણે વિટોરીની જર્સી રિટાયર કરવાની જાણકારી આપી હતી. 

એનઝેડસીએ કહ્યું, 'જે ખેલાડીઓએ 200થી વધુ વનડે મેચોમાં ન્યૂઝીલેન્ડનું પ્રતિનિધિત્વ કર્યું છે, તેની જર્સી રિટાયર કરવામાં આવશે. વિટોરીએ 291 મેચોમાં ન્યૂઝીલેન્ડનું પ્રતિનિધિત્વ કર્યું છે, તેથી તેની જર્સી નંબર-11ને રિટાયર કરવામાં આવી રહી છે.'